អង់គ្លេស៖ តាមការអោយដឹងពីគេហទំព័រ newsday ដែលបានចុះផ្សាយកាលពីពេលថ្មីៗនេះថា យន្ដហោះដឹកអ្នកដំណើរមួយគ្រឿង ក្នុងព្រលានយន្ដហោះ Manchester ត្រូវបានផ្ទុះម៉ាស៊ីនខាងស្ដាំ មុនពេលដែលយន្ដហោះនេះ បានហោះឡើងទៅលើអាកាស។
ប្រភពពីភ្នាក់ក្នុងព្រលានយន្ដហោះ បានអោយដឹងថា យន្ដហោះ Airbus A330 នេះ គឺបានផ្ទុកអ្នកដំណើរចំនួន ៣២៥នាក់ ដែលគ្រោងនឹងធ្វើដំណើរទៅកាន់ សាធារណរដ្ឋដូមីនិកាំង ក្នុងទ្វីបអាមេរិក។ ប្រភពដដែលបានបន្ថែមទៀតថា គ្រាន់តែយន្ដហោះ រំកិលខ្លួនបានបន្ដិច ស្រាប់តែម៉ាស៊ីនខាងស្ដាំ មានភាពមិនប្រក្រតី ហើយក៏បានផ្ទុះឡើង ដែលនេះ ធ្វើអោយអ្នកដំណើរក៏ដូចជាអ្នកបើកយន្ដហោះ មានការភិតភ័យជាខ្លាំង តែពួកគេ មិនបានលោតចេញពីយន្ដហោះនោះឡើយ។
ទោះបីជាយ៉ាងណាក៏ដោយ គេសូមអរគុណដល់អ្នកដំណើរទាំងអស់ ក៏ដូចជាអ្នកបើកយន្ដហោះ ដែលមិនមានភាពស្លន់ស្លោ និងអត់ធ្មត់រហូតដល់ មានការប្ដូរជើងយន្ដហោះ ទៅកាន់សាធារណៈរដ្ឋដូមីនិកាំង ក្នុងដំណើរកំសាន្ដរបស់គេ ក្នុងថ្ងៃដដែលនោះដែរ។ នេះជាវីដេអូក្លីប សូមចុចដើម្បីមើល៕
ដោយ៖ រដ្ឋាប្រភព៖ newsday