កាលពីសប្តាហ៍មុន គេហទំព័រ Camnews បានចុះផ្សាយនូវបទមួយស្តីពីប្អូនប្រុស ម៉ុង គីមស្រុងដែលមានចំណងជើងថា និស្សិតឆ្នើមជាប់អាហារូបករណ៍ទៅរុស្ស៊ី កំពុងជួបបញ្ហាខ្វះខាត ត្រូវការជំនួយបន្ទាន់។
បន្ទាប់ពីព័ត៌មានរបស់ប្អូនប្រុស ម៉ុង គីមស្រុង ត្រូវបានចុះផ្សាយ ក៏ដូចជាការខិតខំប្រឹងប្រែងស្វែងរកការឧបត្ថមរបស់ លោកគ្រូ អ៊ុំ ពន្លឺ មានសប្បុរសជនជាច្រើនមានការអាណិតអាសូរដល់ប្អូនប្រុសម៉ុង គីមស្រុង បានចូលរួមជួយឧបត្ថមប្អូនទាំងថវិកា ទាំងសម្ភារៈតាមធនធានដែលមាន ដើម្បីជួយរំលែកការលំបាករបស់ប្អូន ហើយបានធ្វើឲ្យប្អូនប្រុសមានលទ្ធភាព បន្តការសិក្សាថ្នាក់បរិញ្ញាបត្រផ្នែកស្ថាបត្យកម្ម នៅសហព័ន្ធរុស្ស៊ីចាប់ពីឆ្នាំសិក្សា ២០១២-២០១៣ នេះ។
ចំពោះទឹកចិត្តដ៏ថ្លៃថ្លានេះ តាមរយះគេហទំព័រ Camnews ប្អូនប្រុសសូមលើកម្រាមដៃដប់ថ្លែងអំណរគុណដល់សប្បុរសជនទាំងអស់ ដែលបានជួយឧបត្ថមប្អូនជាថវិកាក្តី ជាសម្ភារៈក្តី ដើម្បីឲ្យប្អូនប្រុសអាចមានលទ្ធភាពធ្វើដំណើរទៅសិក្សានៅសហព័ន្ធរុស្ស៊ីបានដូចបំណង។
លិខិតថ្លែងអំណរគុណរបស់ប្អូនប្រុស គីមស្រុង ជូនចំពោះសប្បុរសជនទាំងអស់
លិខិតថ្លែងអំណរគុណរបស់ប្អូនប្រុស គីមស្រុង ជូនចំពោះសមាជិក សមាជិកានៃសមាគមយុវជនកម្ពុជា
លិខិតថ្លែងអំណរគុណរបស់ប្អូនប្រុស គីមស្រុង ជូនចំពោះគេហទំព័រ Camnews.com.kh
ប្អូនប្រុស ម៉ុង គីមស្រុង បានធ្វើការចេញដំណើរពីប្រទេសកម្ពុជា នៅថ្ងៃទី០៤/០៩/២០១២ វេលាម៉ោង២រសៀលហើយបានដល់ទីក្រុងមូស្គូ កាលពីល្ងាចម៉ោង ៦ ថ្ងៃទី០៥/០៩/២០១២ ម្សិលមិញនេះ។
គីមស្រុង, គ្រួសារ និងលោកគ្រូពន្លឺ នៅមុខព្រលានយន្តហោះអន្តរជាតិភ្នំពេញ មុនពេលចេញដំណើរ
គីមស្រុង ពេលទៅដល់ព្រលានយន្តហោះទីក្រុងមូស្គូ សហព័ន្ធរុស្ស៊ី
ជាក់ស្តែង នេះគឺជាជំហានដំបូងដែលបានធ្វើឲ្យប្អូនប្រុសអាចមានលទ្ធភាពធ្វើដំណើរទៅសិក្សានៅសហព័ន្ធរុស្ស៊ីបាន។ ជាការពិតណាស់សំរាប់ប្រាក់អាហារូបករណ៍តែ ៤៥ដុល្លារក្នុងមួយខែ ប្អូនប្រុសគីមស្រុង ពិតជានឹងត្រូវប្រឈមមុខការលំបាកយ៉ាងខ្លាំង សំរាប់ការសិក្សា ក៏ដូចជាការរស់នៅទីនោះពេញរយះពេល ៥ឆ្នាំនៃការសិក្សារបស់គីមស្រុង។ ដូច្នេះប្អូនប្រុសនៅតែត្រូវការទឹកចិត្តមេត្តាសន្តោសប្រណីពីសប្បុរសជនទាំងអស់ ជួយឧបត្ថមប្អូនប្រុសបន្តទៀត ដើម្បីជួយប្អូនប្រុសគីមស្រុង បានសិក្សាចប់ចុងចប់ដើមដូចបំណង។
នេះជាសំដីពិតរបស់ប្អូនប្រុស Za Khmer ដែលជានិស្សិតកំពុងសិក្សានៅសហព័ន្ធរុស្ស៊ី
បើសិនជាសប្បុរសជនទាំងអស់ចង់ចូលរួមឧបត្ថមប្អូនប្រុស គីមស្រុង សូមទំនាក់ទំនងផ្ទាល់ជាមួយលោកគ្រូ អ៊ុំ ពន្លឺ តាមរយះអ៊ីមែល punlieuum@yahoo.com, kimsrongmong@gmail.com រឺតាមទូរ-ស័ព្ទលេខ (855)12970094 ៕
ដោយ៖ សិលារូបភាព៖ លោកគ្រូ អ៊ុំ ពន្លឺ