រាជ ធានីភ្នំពេញ ៖ ក្មេងប្រុសតូចម្នាក់បានចាកចេញពីផ្ទះ ហើយក៏វង្វេងរកផ្លូវត្រឡប់ទៅវិញមិនឃើញក៏ចេះតែជិះកង់ដើរ អណ្តែតត្រសែតគ្មានគោលដៅអត់បាយក្រហាយទឹក និងបានទៅសុំបាយប្រជាពលរដ្ឋហូបពេលនោះប្រជាពលរដ្ឋបានឱ្យបាយ ហូប បន្ទាប់មកបានរាយការណ៍ប្រាប់ប៉ូលិសប៉ុស្តិ៍សំរោងក្រោមនាំទៅធ្វើ ការសាកសួរ និងស្រាវជ្រាវរកឪពុក ម្តាយឱ្យទៅទទួលយកវិញ ប៉ុន្តែរយៈពេល២ថ្ងៃហើយនៅមិនទាន់រកឃើញនៅឡើយ។
ក្មេងប្រុសនោះត្រូវបានគេឃើញទៅសុំបាយប្រជា ពលរដ្ឋហូបកាលពីវេលាថ្ងៃត្រង់ ថ្ងៃទី១៩ កុម្ភៈ ២០១១ នៅភូមិសំរោង សង្កាត់សំរោងក្រោម ខណ្ឌដង្កោ រាជធានីភ្នំពេញ។ បន្ទាប់ពីសមត្ថកិច្ចសាកសួរក្មេងប្រុសរូបនោះបានប្រាប់ថា រូបគេឈ្មោះមឿន វ៉ាន់ ចាក់គូរ៉ាក់ អាយុ៨ឆ្នាំ ឪពុកឈ្មោះវណ្ណា ជាអ្នកលក់កាហ្វេ ម្តាយឈ្មោះផល្លា ជាអ្នកលក់ទឹកក្រឡុក និងមានបងប្អូនបង្កើត៤នាក់ទៀតនៅផ្ទះ ១-ឈ្មោះមឿន វ៉ាន់ឡាវ ភេទប្រុស, ២-ឈ្មោះមឿន គន្ធា ភេទស្រី, ៣-ឈ្មោះមឿន ស្រីពេជ្រ ភេទស្រី, ៤-ឈ្មោះមឿន វ៉ាន់អុន ភេទប្រុស ហើយរូបគេពុំតស្គាល់ភូមិឃុំ និងស្រុកដែលជាកន្លែងរស់នៅសព្វថ្ងៃនោះទេ គឺគ្រាន់តែដឹងថា ក្នុងខេត្តកំពង់ស្ពឺប៉ុណ្ណោះ។
http://kohsantepheapdaily.com.kh/art...20-032943.html