យន្តហោះចម្បាំងប្រភេទ F16 ចំនួន២គ្រឿង របស់កងកំលាំងទ័ពអាកាសថៃបានធ្លាក់កាលពីព្រឹកថ្ងៃទី១៤ កុម្ភៈ នៅខេត្ត Chai- yaphum ប៉ុន្តែអ្នកបើកបរបានរួចផុតពីជីវិត ។ នេះបើតាមការឱ្យដឹងរបស់លោក Monthon Satechukorn ជាអ្នកនាំពាក្យរបស់កងកំលាំងទ័ពអាកាសថៃ ។ លោក Monthon បានឱ្យដឹងថា យន្តហោះទាំង២គ្រឿងនោះចូលរួមក្នុងសមយុទ្ធមួយឈ្មោះ
ពស់វែកមាស ២០១១ ហើយបានបាត់ដានពីប្រព័ន្ធរ៉ាដានៅវេលាម៉ោង១០និង២០នាទី ព្រឹកថ្ងៃទី១៤ កុម្ភៈ ។ យន្តហោះចម្បាំង២គ្រឿងនេះហោះចេញពីអង្គភាពនៅខេត្តនគររាជ សីមា ។
តាមប្រភពព័ត៌មានថា យន្តហោះទាំង២គ្រឿងនេះបានធ្លាក់នៅតំបន់ព្រៃក្បែរតំបន់ទឹក ធ្លាក់ដាច់ស្រយាលមួយក្នុងស្រុកមឿង ខេត្ត Chaiyaphum ។ លោក Monthon Satchumkorn និយាយថា ប្រមុខកងកំលាំងទ័ពអាកាស សេនាប្រមុខ Ithiporn Suphawong បានបញ្ជាឱ្យបញ្ជូនឧទ្ធម្ភាគចក្រ និងរថយន្តទៅកាន់តំបន់នោះ ដើម្បីរុករកអ្នកបើកយន្តហោះទាំងនោះ ។
តាមរបាយការណ៍ដំបូងថា មានយន្តហោះធ្លាក់តែមួយគ្រឿងប៉ុណ្ណោះ ។ គេនៅចាំបានថា យន្តហោះចម្បាំងធុននេះហើយដែលបើកឆ្វែលលើដីខ្មែរនៅតំបន់ព្រំ ដែនក្រោយការប៉ះទង្គិចគ្នាដោយអាវុធនៅតំបន់ប្រាសាទ ព្រះវិហាររវាងកងទ័ពកម្ពុជា និងកងទ័ពថៃ ដែលចាប់ផ្តើមនៅថ្ងៃទី៤ កុម្ភៈ ។ តាមប្រភពព័ត៌មានដំបូងមួយថា យន្តហោះទាំង២ នេះធ្លាក់ដោយសារការបុកគ្នា ខណៈពេលកំពុងធ្វើសមយុទ្ធលើអាកាស ៕
http://kohsantepheapdaily.com.kh/art...14-005010.html