រាជធានីភ្នំពេញ ៖ បុរសម្នាក់ត្រូវមនុស្សមួយក្រុមចាប់វាយឱ្យរងរបួសយ៉ាងខ្លាំង រួចហើយច្រានទំលាក់ពីលើរថយន្តឡិចស៊ីសនៅកន្លែងស្ងាត់មួយ ស្ថិតនៅក្បែរអតីតរោងចក្រអារឈើ វិថីកែវចិន្តា ក្រុមទី១ សង្កាត់ជ្រោយចង្វា ខណ្ឌឫស្សីកែវ កាលពីវេលាម៉ោង១១និង៤០នាទីថ្ងៃទី១០ កុម្ភៈ ២០១១ ។
បុរសរងគ្រោះឈ្មោះយិន ថារិទ្ធ អាយុ២៨ឆ្នាំ ត្រូវបានគេដឹងថា ជាអ្នករត់ម៉ូតូឌុប ស្នាក់នៅផ្ទះលេខ២៩០ ភូមិទី១ កន្លែងកើតហេតុខាងលើ...ពេលត្រូវគេច្រានទម្លាក់ពីលើរថយន្តឡិច ស៊ីសស៊េរី៤៧០ ពណ៌ខ្មៅ គេឃើញបុរសរងគ្រោះយិន ថារិទ្ធ ស្ថិតក្នុងសភាពអត់អាវ ស្លៀកខោខ្លីត្រឹមជង្គង់ បែកក្បាលខ្លាំងក្លា ហៀបនឹងសន្លប់ទៅហើយ ត្រូវបានគេបញ្ជូនទៅសង្គ្រោះនៅមន្ទីរពេទ្យកាល់ម៉ែតភ្លាមៗ ។
គេមិនដឹងថា មូលហេតុអ្វីទើបបានជាបុរសរងគ្រោះឈានទៅជិះរថយន្តជាមួយក្រុមដៃ ដល់ ឬក្រុមជនដៃដល់ចាប់យកមកពីកន្លែងណានោះទេ ហើយក៏មិនដឹងថា មានរឿងអ្វីនោះដែរ...ប៉ុន្តែពេលកើតហេតុគេឃើញរថយន្តឡិចស៊ីស ពណ៌ខ្មៅ នេះធ្វើដំណើរពីជើងទៅត្បូង ដល់អតីតរោងចក្រអារឈើ ស្រាប់តែក្រុមជនដៃដល់ច្រានបុរសរងគ្រោះទម្លាក់ចុះពីឡានតែ ម្តង...ក្រុមជនដៃដល់បើកឡានគេចខ្លួនបាត់ គ្មាននរណាដឹងថា ជាសមាសភាពអ្វីនោះទេ ។
http://kohsantepheapdaily.com.kh/art...10-210929.html