Note** not this map**
ថ្មីៗ នេះ អ្នកនាំពាក្យក្រសួងការបរទេសបារាំង លោកប៊ែណាដ វ៉ាឡឺរូ (Bernard Valero) បានថ្លែងថា ប្រទេសបារាំងមានការសប្បាយចិត្តនឹងផ្តលឯកសារនិងផែនទីដើម ដែលបានចុះសន្ធិសញ្ញាបារាំង-សៀម ឆ្នាំ១៩០៧ បានបញ្ជាក់ថា ប្រាសាទព្រះវិហារស្ថិតក្នុងទឹកដីកម្ពុជា ដោយគ្មានតំបន់ត្រួតស៊ីគ្នារវាងកម្ពុជានិងថៃនោះទេ ។ អាជ្ញាធរបារាំងគូសបញ្ជាក់កាលពីថ្ងៃទី៩ កុម្ភៈថា ប្រទេសបារាំងត្រៀមផ្តល់ឱ្យថៃ និងកម្ពុជានូវផែនទីទាំងឡាយដែលគូសវាសព្រំដែនរវាងប្រទេសទាំង២ នៅអាសីុអាគ្នេយ៍ដែលខ្លួនមាន។
អ្នកនាំពាក្យរបស់ក្រសួងការបរទេសបារាំងលោក BERNARD VALERO អះអាងថា ការិយាល័យឯកសារនៃក្រសួងការបរទេសបារាំង បានរក្សាទុកឯកសារបារាំងអំពីសន្ធិសញ្ញាបារាំង-សៀមឆាំ្ន១៩០៧ ព្រមទាំងឯកសារនានាខាងផ្នែកបារាំងរបស់គណៈកម្មាធិការកំណត់ព្រំ ដែន ដោយក្នុងចំណោមឯកសារទាំងនោះមានឯកសារជាផែនទីទាំងឡាយដែលធ្វើ រវាងឆ្នាំ១៩០៤ និង១៩០៧ ដែលសំដៅកំណត់ព្រំដែនរវាងសៀមឈ្មោះពីដើមរបស់ថៃ និងកម្ពុជា ដែលសម័យកាលនោះស្ថិតក្រោមអាណានិគមរបស់បារាំង។
អ្នកនាំពាក្យរូបនោះគូសបញ្ជាក់ថា ឯកសារទាំងនោះអាចរើរកបាន ហើយត្រូវបានគេមើលរួចហើយរយៈពេលប៉ុន្មានឆ្នាំចុងក្រោយនេះ។ អ្នកនាំពាក្យក្រសួងការបរទេសបារាំងសន្យាផ្តល់រាល់ជំនួយចាំបាច់ ដល់គ្រប់ប្រទេសទាំងអស់ដែលនឹងស្នើបារាំងរកឯកសារទាំងឡាយ ឬថតចម្លងយកឯកសារទាំងនោះ។ ជម្លោះព្រំដែនរវាងកម្ពុជា និងថៃផ្តោតលើអធិបតេយ្យភាពតំបន់មួយទំហំ៤,៦គីឡូម៉ែត្រក្រឡា ស្ថិតនៅជិតប្រាសាទព្រះវិហារជាបេតិកភណ្ឌពិភពលោករបស់អង្គការយូ ណេស្កូ បណ្តាលឱ្យមានជនរងគ្រោះជាច្រើននាក់ ហើយធ្វើឱ្យខូចខាតធ្ងន់ធ្ងរដល់ប្រាសាទរយៈពេលប៉ុន្មានថ្ងៃចុង ក្រោយនេះ។ តុលាការយុត្តិធម៌អន្តរជាតិក្រុងឡាអេ បានផ្តល់កាលពីឆ្នាំ១៩៦២ ឱ្យកម្ពុជានូវអធិបតេយ្យភាពលើទីតាំងប្រាសាទព្រះវិហារដោយយោង តាមផែនទីទាំងឡាយដែលគូសវាសរវាងឆ្នាំ១៩០៤ និង១៩០៧ ហើយផ្តល់សច្ចាប័នដោយសៀម និងបារាំង។ សាលក្រមនេះធ្វើឱ្យភាគីថៃមានការក្តៅក្រហាយ ហើយញ៉ាំងឱ្យមានជម្លោះព្រំដែនជាច្រើនរវាងប្រទេសទាំង២។
http://kohsantepheapdaily.com.kh/art...10-194458.html