រាជធានីភ្នំពេញ ៖ កម្មករសំណង់ម្នាក់ត្រូវក្រុមគ្រួសារបញ្ជូនមកមន្ទីរពេទ្យកាល់ម៉ែត ដើម្បីសង្គ្រោះជីវិត បន្ទាប់ពីត្រូវគេចាក់មួយកាំបិតចិតបន្លែជាប់ឆ្កឹងលើផ្ចិត កាលពីវេលាម៉ោង៨និង១០នាទីយប់ ថ្ងៃទី៨ កុម្ភៈ ២០១១ នៅម្តុំផ្លូវរទេះភ្លើង សង្កាត់បឹងកកទី១ ខណ្ឌទួលគោក ខណៈពេលផឹកស៊ី ហើយកើតទំនាស់ពាក្យសំដី ។
ជនរងគ្រោះដែលត្រូវគេចាក់មួយកាំបិតជាប់ឆ្កឹង មើលទៅស្រៀវសាច់នេះមានឈ្មោះសូត្រ ម៉ៅ ភេទប្រុស អាយុ១៨ឆ្នាំ ជាកម្មករសំណង់ ស្នាក់នៅផ្លូវរទេះភ្លើង សង្កាត់បឹងកក់ទី១ ខណ្ឌទួលគោក ។ សាច់ញាតិជនរងគ្រោះបានឱ្យដឹងថា មុនពេលកើតហេតុ ក្រោយពីធ្វើការសំណង់រួច ជនរងគ្រោះ និងមិត្តភក្តិ៣-៤នាក់ទៀតបានទិញស្រាយកមកផឹកស៊ីកំដរការ នឿយហត់ ហើយនាំគ្នាជជែកពីការដើរលេងក្នុងឱកាសចូលឆ្នាំចិន- វៀតណាមកន្លងមក ។
ពេលផឹកស៊ីអស់ស្រាជាច្រើនដប ចាប់ផ្តើមស្រវឹងធ្លាក់ភ្នែករៀងៗខ្លួនស្រាប់តែកម្មកររង គ្រោះបានកើតទំនាស់ពាក្យសំដីជាមួយមិត្តភក្តិម្នាក់ ហើយក៏ក្លាយទៅជាអំពើហិង្សារហូតគូទំនាស់រត់ទៅយកកាំបិត ចិតបន្លែមកចាក់ចំលើផ្ចិតជនរងគ្រោះជាប់ឆ្កឹង មើលទៅស្រៀវសាច់តែម្តង ។ ក្រោយពីចាក់គូទំនាស់ហើយជនដៃដល់បានគេចខ្លួនភ្លាមៗ រីឯជនរងគ្រោះត្រូវក្រុមគ្រួសារបញ្ជូនទៅមន្ទីរពេទ្យកាល់ម៉ែត ដើម្បីសង្គ្រោះជីវិត ៕
http://kohsantepheapdaily.com.kh/art...208-20329.html