ខេត្តស្ទឹងត្រែង ៖ ស្ត្រីមេម៉ាយម្នាក់ត្រូវជនដៃដល់វាយសម្លាប់យ៉ាងអាណោច អាធមប្លន់យកម៉ូតូ និងលុយនៅក្រោមផ្ទះចាំចំការមួយស្ថិតក្នុងចំណុចផ្លូវក្រាលក្រួស ក្រហមចូលទៅភូមិត្បូងខ្លា ឃុំត្បូងខ្លា ស្រុកសៀមបូក ជាប់ព្រំប្រទល់ភូមិអូរព្រះ ឃុំអូរគ្រៀង ស្រុកសំបូរ ខេត្តក្រចេះ កាលពីវេលាម៉ោង៥ និង៣០នាទីល្ងាចថ្ងៃទី២៦ មករា ខណៈដែលស្ត្រីរងគ្រោះឈ្មោះដួង ស្រីម៉ៅ អាយុ២៨ឆ្នាំ រៀបនឹងចេញដំណើរដឹកបន្លែ ត្រី និងសាច់ទៅលក់នៅតាមភូមិក្នុងជនបទ ហើយត្រូវជនមិនស្គាល់មុខវាយប្លន់យកម៉ូតូម៉ាកវ៉េវអាល់ហ្វាពណ៌ ក្រហមមួយគ្រឿង និងលុយជាប់នឹងខ្លួនប្រហែលជា៣០ម៉ឺនរៀល ហើយបានរត់គេចខ្លួនបាត់ ។ មកដល់ពេលនេះ សមត្ថកិច្ចនៅមិនទាន់ឃាត់ខ្លួនជនសង្ស័យណាម្នាក់បាននៅឡើយទេ ។
ទាក់ទិននឹងរឿងប្លន់សម្លាប់ ហើយមិនទាន់វែកមុខជនដៃដល់នេះ មានប្រជាពលរដ្ឋជាច្រើនក្រោយពីឃើញនូវការចេញផ្សាយរបស់កោះសន្តិ ភាពកាលពីលេខមុនបានបង្ហើបថា មន្ត្រីសមត្ថកិច្ចគួរតែរួសរាន់ ដើម្បីវែកមុខជនដៃដល់ឱ្យឃើញ ព្រោះនេះជាអំពើប្លន់ មិនមែនជារឿងឃាតកម្មគិតទុកជាមុន ពិបាកស៊ើបអង្កេតនោះទេ ។ ស្របពេលជាមួយគ្នានេះ លោកឡាយ ចាន់ឌី និងភរិយាអ្នកស្រីយេក សុធា ដែលមានទឹកចិត្តឈឺឆ្អាលចំពោះសុខទុក្ខជនគ្រប់រូបបានប្រកាស ផ្តល់ជាកញ្ចប់ថវិកាចំនួនមួយលានរៀល ជូនក្នុងការលើកទឹកចិត្តដល់សមត្ថកិច្ចនគរបាល និងមន្ត្រីកងរាជអាវុធហត្ថមិនថាខេត្តស្ទឹងត្រែង ឬខេត្តក្រចេះឡើយ ។
ក្នុងការវែកមុខជនដៃដល់ លោកបានបង្ហើបថា ទោះបីជាពុំមានមុខងារ ឬលទ្ធភាពក៏ដោយ លោកនៅតែមានការលើកទឹកចិត្តជូនដល់មន្ត្រីសមត្ថកិច្ចយុត្តិធម៌ ដែលខិតខំតាមស្រាវជ្រាវវែកមុខជនដៃដល់ មកផ្តន្ទាទោសតាមផ្លូវច្បាប់ឱ្យស័ក្តិសមទៅនឹងទោសកំហុស ដែលបានប្រព្រឹត្ត ។ គួរបញ្ជាក់ថា លោកឡាយ ចាន់ឌី និងភរិយាតែងតែឧបត្ថម្ភជាទឹកប្រាក់ផ្ទាល់ខ្លួនជូនដល់បង ប្អូនដែលជួបការលំបាកនិងខ្វះលទ្ធភាពពេលមានជំងឺចូលមកព្យា បាលនៅមន្ទីរជាច្រើនលើកផងដែរ ៕
http://kohsantepheapdaily.com.kh/art...08-043034.html