រាជធានីភ្នំពេញ ៖ កាលពីថ្ងៃទី៣ កុម្ភៈ ឆ្នាំ២០១១ នៅភោជនីយដ្ឋានដើមចំប៉ា ជាភោជនីយដ្ឋានដែលមានឈ្មោះល្បី និងត្រូវបានទទួលស្គាល់នូវគុណភាពខ្ពស់ និងរសជាតិថា ពិតជាឆ្ងាញ់ពីសំណាក់អតិថិជនទាំងជាតិ និងអន្តរជាតិ ចំពោះអាហារវៀតណាម ក្នុងព្រះរាជាណាចក្រកម្ពុជា ។ នាពិធីបុណ្យចូលឆ្នាំចិន ឆ្នាំទន្សាយនេះ ភោជនីយដ្ឋានដើមចំប៉ា នាំមកជូននូវកម្មវិធីថ្មីមួយ គឺពិធីចាក់នាំបាញ់ឆែវខ្នាតធំជាងគេបំផុតនៅក្នុងរាជធានីភ្នំពេញ នាវេលាម៉ោង១១ព្រឹក ដែលចំអិនដោយចុងភៅពិសេស និងមានជំនាញរបស់យើង ។ នំបាញ់ឆែវ ដែលមានមុខកាត់១៣០សង្ទីម៉ែត្រនេះ មានដាក់ចូលនូវសាច់ជ្រូក ដែលត្រូវបរិភោគជាមួយជី និងសាឡាដ ។ ភោជនីយដ្ឋានដើមចំប៉ា បានចែកសំបុត្រអញ្ជើញជូនដល់ភ្ញៀវកិត្តិយសជាង២.៥០០នាក់ ចូលរួមក្នុងកម្មវិធីនេះ និងភ្លក្សបាញ់ឆែវពេញមួយថ្ងៃដោយឥតគិតថ្លៃ ។
ភោជនីយដ្ឋានដើមចំប៉ា បានបើកសម្ពោធដំណើរការអស់រយៈពេលជាង២ឆ្នាំមកហើយ ដែលស្ថិតនៅលើវិថីប៉ាស្ទ័រ (វិថី៥១) និងវិថី២៤២ ។ ភោជនីយដ្ឋានដើមចំប៉ា មានបរិស្ថាន យ៉ាងគាប់ប្រសើរ ប្រកបដោយម្លប់ឈើព័ទ្ធជុំវិញ អគារតាមបែបស្ថាបត្យកម្មខ្មែរនាទសវត្ស៦០ ការរៀបចំតុអាហារជាលក្ខណៈសួនច្បារ រានហាល និងបន្ទប់ម៉ាស៊ីនត្រជាក់ បានផ្តល់ជូននូវជំរើសសំរាប់ភ្ញៀវទាំងអស់ដែលអញ្ជើញក្នុង លក្ខណៈជំនួញ លក្ខណៈគ្រួសារ ឬលក្ខណៈទេសចរណ៍ផងដែរ ។ លើសពីនេះ លោកអ្នកក៏អាចរៀនពីវិធីចាក់បាញ់ឆែវពីបុគ្គលិករបស់យើងបាន ផងដែរ ឬក៏អញ្ជើញមកទទួលទានស្រាខកថេល បន្ទាប់ពីចេញពីធ្វើការ ។ ម្ហូបអាហារទាំងអស់សុទ្ធតែបានប្រើប្រាស់រូបមន្តដើម និងរួមជាមួយគ្រឿងផ្សំ ដែលមានគុណភាពខ្ពស់ និងស្រស់ៗ ៕
http://kohsantepheapdaily.com.kh/art...03-013351.html