រាជធានីភ្នំពេញ ៖ រថយន្តបើកលឿនបុករះដែលមើលទៅគួរឱ្យរន្ធត់មួយបណ្តាលឱ្យមនុស្ស ២នាក់រងរបួសធ្ងន់ ហើយម៉ូតូមួយគ្រឿងនិងរថយន្ត៣គ្រឿងទទួលរងការខូចខាតរួមជាមួយ បង្គោលភ្លើងសាធារណៈចំនួន២ដើមផង ក៏ទទួលរងការខូចខាតដោយសាររថយន្តម៉ាកស៊ុយហ្ស៊ុយគី ដែលបើកបរដោយស្រីល្អម្នាក់ បុករះគ្មានត្រាប្រណីកាលពីវេលាម៉ោង១១និង៣០នាទីយប់ ថ្ងៃទី៣១ មករា ២០១១ លើមហាវិថីម៉ៅសេទុង កែងនឹងវិថីលេខ១០៥ ស្ថិតក្នុងសង្កាត់បឹងត្របែក ខណ្ឌចំការមន ។
ទាក់ទិននឹងហេតុការណ៍គ្រោះថ្នាក់ខាងលើនេះ តាមប្រភពព័ត៌មាននៅកន្លែងកើតហេតុបានឱ្យដឹងថា មុនពេលកើតហេតុគេបានសង្កេតឃើញរថយន្តស៊ុយហ្ស៊ុយគីមួយគ្រឿង ពណ៌ស្ករ ពាក់ស្លាកលេខ ភ្នំពេញ 2H-0577 បើកបរដោយនារីម្នាក់ឈ្មោះហាក់ ស្រីពីន អាយុ២៥ឆ្នាំ មានទីលំនៅផ្ទះ លេខ២៨១ វិថីព្រះសុធារស សង្កាត់ទន្លេបាសាក់ ខណ្ឌចំការមន បានបើកបរធ្វើដំណើរលើកំណាត់មហាវិថីម៉ៅសេទុង ក្នុងទិសដៅពីលិចទៅកើតលុះដល់ចំណុចផ្លូវកែងជាមួយផ្លូវលេខ១០៥ ស្ថិតក្នុងសង្កាត់បឹងត្របែក ខណ្ឌចំការមន ក៏បុកជាមួយម៉ូតូម៉ាកសូនិក ពណ៌ខៀវ រុញទៅផ្ទប់ជាមួយធុងបំពង់ខ្យល់សំរាប់បូមខ្យល់ម៉ូតូ កង់ និងរថយន្ត របស់ជាងប៉ះកង់ម្នាក់ បណ្តាលឱ្យម៉ូតូដួលបះជើងច្រងាងៗផ្ទប់ជាប់ជាមួយធុងខ្យល់ ខូចខាតទាំងម៉ូតូ ទាំងធុងខ្យល់ ។ មនុស្ស២នាក់ដែលជិះម៉ូតូរួមដំណើរជាមួយគ្នាបានទទួលរងរបួស ធ្ងន់ ត្រូវបញ្ជូនទៅសង្គ្រោះបន្ទាន់នៅមន្ទីរពេទ្យមិត្តភាពខ្មែរ-សូវៀត ។
បន្ទាប់ពីរថយន្តខាងលើនេះ បុកម៉ូតូមួយគ្រឿងដួលបះជើងច្រងាងៗហើយ ស្រាប់តែអ្នកបើកបររថយន្តបានបន្ថែមល្បឿនស្ទុះទៅបុកបង្គោល ភ្លើង២ដើមទៀត បុករថយន្ត២គ្រឿងមួយគ្រឿងម៉ាកកាមរី ពណ៌ឈាមជ្រូក និងមួយគ្រឿងទៀតម៉ាក CR-V ពណ៌ខ្មៅ ដែលម្ចាស់ចតនៅស្ងៀមពីមុខផ្ទះបណ្តាលឱ្យខូចខាតយ៉ាងដំណំ រួចហើយស្ទុះទៅបុកដើមអង្គាបុស្សពេញទំហឹងទើបឈប់ស្ងៀម...។ To be continue!!!
http://kohsantepheapdaily.com.kh/art...31-210854.html