ភ្នំពេញ: បុរសជាឪពុកបានស្លាប់នៅកន្លែងកើតហេតុ និងកូនប្រុសរបួសបាក់ជើង ដោយសាររថយន្តមួយគ្រឿង បើកបរដោយជនជាតិចិនបុក នៅផ្លូវជាតិលេខ៥ មុខផ្ទះលេខ១០A ភូមិផ្សារតូច សង្កាត់ទួលសង្កែ ខណ្ឌឫស្សីកែវ កាលពីម៉ោង ២១:០០យប់ថ្ងៃទី ២៨ មករា ២០១១ ។
ជនរងគ្រោះជាឪពុក ឈ្មោះ គឹម នីរ៉ុង អាយុប្រហែល៤០ឆ្នាំ រស់នៅភូមិក្រាំង ឃុំស្នោ ស្រុកព្រៃកាបាស់ ខេត្តតាកែវ មុនរបរសន្តិសុខបញ្ញាសាស្ត្រ ស្នាក់នៅកន្លែងធ្វើការ បើកម៉ូតូម៉ាក HONDA C125 ពណ៌ខ្មៅ ០៨ ពាក់ស្លាកលេខ ភ្នំពេញ 1W0384 បានស្លាប់នៅកន្លែងកើតហេតុ និងជនរងគ្រោះម្នាក់ទៀត ត្រូវជាកូនឈ្មោះ គឹម វិមុត អាយុ ២៥ឆ្នាំ មុខរបរនិស្សិតនៅសកលវិទ្យាល័យបញ្ញាសាស្ត្រ របួសបាក់ជើងឆ្វេង ស្នាក់នៅជាមួយឪពុក កំពុងសំរាកព្យាបាល នៅមន្ទីរពេទ្យកាល់ម៉ែត ។
ចំណែករថយន្តបង្កម៉ាក COROLLA ពណ៌ សំបកឪឡឹក ពាក់ស្លាកលេខ ភ្នំពេញ 2B 0745 បើកបរដោយជនជាតិចិនម្នាក់ឈ្មោះ AOENG MENA អាយុ៤១ឆ្នាំ មុខរបរជាង សំណង់វិមានសន្តភាព ស្នាក់នៅផ្ទះជួល លេខ៨៧ ផ្លូវសហព័ន្ធរុស្ស៊ី សង្កាត់កាកាប ខណ្ឌដង្កោ និងមានអ្នករួមដំណើរមម្នាក់ទៀតក៏ជាជនជាតិចិនដែរ ។
មុនកើតហេតុគេឃើញរថយន្តបង្ក បានបើកបរតាមបណ្តោយផ្លូវជាតិលេខ៥ ចូលក្រុងភ្នំពេញ ក្នុងទិសដៅពីជើងទៅត្បូង ចំណែកម៉ូតូជនរងគ្រោះ បើកបរចេញពីក្រុងភ្នំពេញ ក្នុងទិសដៅបញ្ជ្រសគ្នា លុះមកដល់កន្លែងកើតហេតុ រថយន្តក៏បានបុកជាមួយម៉ូតូ បណ្តាលជនរងគ្រោះជាឪពុកស្លាប់នៅកន្លែងកើតហេតុ និងកូនប្រុសរបួសបាក់ជើងឆ្វេង ។
ក្រោយកើតហេតុជនបង្កបានហៅម៉ូតូឌុបជិះរត់គេចខ្លួនមកដល់អតីត ស្ថានីទូរទស្សន៍ប៉ុស្តិ៍លេខ៣ សមត្ថកិច្ចក៏បានឃាត់ខ្លួនបានតែម្តង ។
សពជនរងគ្រោះត្រូវបានបងប្អូនបញ្ជូនទៅធ្វើបុណ្យនៅឯស្រុកកំណើតទាំងយប់ ៕
http://cen.com.kh/localnews/show_det...c4YTRiMWZmZGVl