
បាត់ដំបង ៖ សពយុវជនម្នាក់ត្រូវបានគេប្រទះឃើញដេកស្លាប់ក្នុងស្ថានភាពមានឈាមហូរនៅកណ្ដាលវាលស្រែឆ្ង ាយដាច់ស្រយាល។ចំណុចវាលស្រែមួយពាន់ស្ថិតក្នុងភូមិ ជ្រៃកោងសង្កាត់ស្លាកែតក្រុងបាត់ដំបងគឺជាទីតាំងដែលក្រុមហ៊ុន ស៊ិនទ្រីចាក់សំរាមចោលនៅទីនោះ។លុះនៅវេលាម៉ោង៥ទៀបភ្លឺថ្ងៃទី ២៨ខែមករាឆ្នាំ២០១១ក្រុមក្មេងរើសអេតចាយបានធ្វើដំណើរទៅទីនោះ ក៏បានប្រទះឃើញសពយុវជនម្នាក់ដេកស្លាប់នៅក្បែរផ្លូវជាប់មាត់ ប្រឡាយដែលនៅយ៉ាងឆ្ងាយពីភូមិរបស់ប្រជាពលរដ្ឋ។
លោក ហ៊ុន សាលីអាយុ៤៤ឆ្នាំជាឪពុករបស់យុវជនរងគ្រោះរស់នៅភូមិចំការសំរោង១ សង្កាត់ចំការសំរោងបានរៀបរាប់ថាកូនប្រុសរបស់គាត់មានឈ្មោះ ជា ចាន់រ៉ាអាយុ១៩ឆ្នាំជាសិស្សថ្នាក់ទី១២នៃវិទ្យាល័យនេតយ៉ង់។ពាក់ ព័ន្ធនិងរឿងគ្រោះថ្នាក់នេះលោកមិនសម្រក់ទឹកភ្នែកឡើយដោយសារតែ កូននេះវាមិនស្ដាប់បង្គាប់ឪពុកម្ដាយសោះគឺវាតែងតែដើរអាវ៉ាសែ ជាមួយបក្ខពួកមួយចំនួនដែលរៀននៅសាលានេតយ៉ង់ផងនិងសាលាព្រះ មុនីវង្សផងបើគិតមកទល់ពេលនេះមានរយៈពេលជិត១ខែហើយដែលវាមិន ចូលផ្ទះទាល់តែសោះ។
ដោយឡែកប្រជាពលរដ្ឋបានបំភ្លឺថាកាល ពីល្ងាចម្សិលមិញគាត់បានឃើញមានយុវជនមួយក្រុមនាំគ្នាផឹកស៊ីនៅ ម្ដុំនោះរហូតដល់យប់លុះព្រឹកឡើងក៏មានការប្រទះឃើញសពមនុស្ស ស្លាប់តែម្តង។ក្រោយពីធ្វើការត្រួតពិនិត្យសមត្ថកិច្ចបានប្រទះឃើញ ថាសពនេះស្លាប់ផ្កាប់មុខហើយនៅក្បែរសពមានកូនកាំបិតមួយដែលបាក់ ចុងព្រមទាំងស្នាមឈាមស្រក់លើស្មៅនិងផ្លូវមានចម្ងាយប្រហែល៥០ ម៉ែត្រពីកន្លែងជនរងគ្រោះស្លាប់។ចំណែកនៅលើខ្លួនប្រាណរបស់ជនរង គ្រោះមានស្នាមចាក់និងកូនកាំបិតនេះជាច្រើនកន្លែង។
ក្នុងការត្រួតពិនិត្យរបស់សមត្ថកិច្ច ជំនាញឃើញថាតាមស្នាមឈាមក៏មានស្នាមប្រតាយប្រតប់ព្រមទាំងបន្សល់ ទុកស្បែកជើង២សម្រាប់ផងប៉ុន្តែពេលនេះប៉ូលិសកំពុងតែធ្វើការ កោសល្យវិច័យយ៉ាងយកចិត្តទុកដាក់គ្រាន់តែមិនហ៊ានសន្និដ្ឋានថាករណី នេះយ៉ាងណានោះឡើយ។
http://www.kampucheathmey.com/local-...-08-19-02.html