រាជធានីភ្នំពេញ ៖ និស្សិតវិទ្យាស្ថានបច្ចេកវិទ្យាកម្ពុជាចំនួន២នាក់បានបើកម៉ូតូ លឿនជ្រុលទៅបុកពីក្រោយរទេះគោ ដឹកឆ្នាំងពេញទំហឹងលើកំណាត់ផ្លូវជាតិលេខ៥ ស្ថិតក្នុងភូមិពោធិ៍តូច ឃុំកំពង់ហ្លួង ស្រុកពញាឮ ខេត្តកណ្តាល កាលពីវេលាម៉ោង៥និង៤០នាទីព្រឹកថ្ងៃទី២៧ មករា ២០១១ បណ្តាលឱ្យនិស្សិតម្នាក់ត្រូវឈើជង់ចាក់ជាប់ឆ្កឹងចំលើ ដោះខាងឆ្វេង និងឆ្អឹងជំនីរហូរឈាមស្រោចខ្លួន ដែលមើលទៅគួរឱ្យរន្ធត់ត្រូវគេចាត់បញ្ជូនទៅមន្ទីរពេទ្យកាល់ម៉ែត សង្គ្រោះជីវិត និងម្នាក់ទៀតដែលជិះពីក្រោយខ្ទាតទៅបោកក្បាលលើថ្នល់ បណ្តាលឱ្យហូរឈាមតាមត្រចៀករងរបួសធ្ងន់ផងដែរ ។
ជនរងគ្រោះ ដែលជួបហេតុការណ៍ដ៏រន្ធត់នេះត្រូវបានគេស្គាល់ឈ្មោះអុឹម ពិសី ភេទប្រុស អាយុ២៣ឆ្នាំ ស្រុកកំណើតឃុំស្វាយជ្រុំ ស្រុកមេសាង ខេត្តព្រៃវែង ប៉ុន្តែបានមកភ្នំពេញ ស្នាក់នៅ ជាមួយបងប្អូននៅសង្កាត់ភ្នំពេញថ្មី ខណ្ឌសែនសុខ ជានិស្សិតឆ្នាំទី៤ នៅវិទ្យាស្ថានបច្ចេកវិទ្យាកម្ពុជា ផ្នែកសំណង់ (ជនរងគ្រោះត្រូវឈើជង់ចាក់ដោតឆ្កឹងចំលើដោះខាងឆ្វេង និងឆ្អឹងជំនីរហើយបាក់ជើងខាងស្តាំ) និងនិស្សិតម្នាក់ទៀតដែលជិះពីក្រោយឈ្មោះស៊ូត សុភ័ក្ត ភេទប្រុស អាយុ២៣ឆ្នាំ មានស្រុកកំណើតខេត្តកំពង់ធំ ជា និស្សិតនៅវិទ្យាស្ថានបច្ចេកវិទ្យាកម្ពុជា បានខ្ទាតរមៀលបោកក្បាលលើថ្នល់ហូរឈាមចេញតាមត្រចៀកទាំងសង ខាងមើលទៅធ្ងន់ធ្ងរផងដែរ ។
មិត្តភក្តិជនរងគ្រោះខាងលើបានរៀប រាប់ឱ្យដឹងថា មុនពេលកើតហេតុ និស្សិតរងគ្រោះទាំងពីរនាក់ខាងលើបានជិះម៉ូតូម៉ាកសេ១២៥ ស៊េរី២០០១ ធ្វើដំណើរចេញពីភ្នំពេញ លើកំណាត់ផ្លូវជាតិលេខ៥ គោលបំណងទៅការដ្ឋានសាងសង់ស្ពាន ដើម្បីបំពេញការងារក៏ជួបគ្រោះថ្នាក់តែម្តង ៕
http://kohsantepheapdaily.com.kh/art...27-000720.html