ខេត្តកំពត ៖ កាលពីព្រឹកថ្ងៃទី១៧ ធ្នូ មានជនជាតិវៀតណាមទាំងចាស់ ទាំងក្មេងចំនួន១៨នាក់ បាននាំគ្នាធ្វើដំណើរដោយថ្មើរជើងកាត់ជ្រោះកាត់ភ្នំទៅកាន់ចំណុចប្រវាំងកូនស្ថិតលើខ្នងភ្នំក ំចាយជាប់ភ្នំបូកគោ ។ អ្វីដែលគួរកត់សំគាល់នោះគឺ ទោះបីជាពួកគេនាំគ្នាទៅទាំងក្រុមដើរកាត់ខ្នងភ្នំបែបនេះ ក៏ដោយក៏គ្មានមន្ត្រីណាទទួលខុសត្រូវ ចំពោះជនជាតិវៀតណាមទាំងនោះដែល គេធ្លាប់ដឹងថា តែងឡើងទៅសំណាក់ធម៌នៅទីនោះដែរ ។ លោកអ៊ុក ឡាយ អភិបាលស្រុកទឹកឈូមានប្រសាសន៍ថា ពាក់ព័ន្ធនឹងរឿងប្រវាំងកូននៅលើខ្នងភ្នំកំចាយជាប់ភ្នំបូកគោនេះលោកមិន ដែលស្គាល់ប្រវត្តិទេ ហើយរឿងក្រុមជនជាតិវៀតណាមឡើងទៅកាន់ទីនោះ ក៏លោកក្តាប់មិនបានដែរ មិនដឹងថា មានក្រុមជនជាតិវៀតណាមឡើងទៅ ឬក៏អត់ទេ ។
ទោះបីជាបែបណា លោកស៊ឹម វុទ្ឋា ជំនួយការរបស់លោកខូយ ឃុនហ៊ួរ អភិបាលខេត្តបានប្រាប់ឱ្យដឹងថា ប្រវាំងកូននៅលើភ្នំកំចាយនេះកើតមានតាំងតែពីសម័យសង្គមរាស្ត្រនិយមមកម្ល៉េះ គឺកាលណោះមានសង្ឃវៀតណាមមួយអង្គនិមន្តមកធតុង្គនៅខ្នងភ្នំនោះ ។ កាលពី១០ឆ្នាំមុន អាជ្ញាធរខេត្តធ្លាប់បានហាមឃាត់ជនជាតិវៀតណាមទាំងនោះមិនឱ្យឡើងទៅកាន់តំបន់ប្រវាំងកូននោះ ទេ ថែមទាំងឱ្យពួកគេនាំសង្ឃវៀតណាមមួយអង្គឱ្យចុះមកវិញទៀតផង ។
លោកស៊ីម វុទ្ឋា មិនបានឱ្យដឹងពីអ្នកស្លាប់ ដែលគេកប់ចោលនៅទីនោះឡើយ តែយោងតាមសង្ឃមួយអង្គដែលធ្លាប់បាននិមន្តចេញចូលទៅកាន់ចំណុចប្រវាំងកូនមានថេរដីកាថា ប្រវាំងកូនជាកន្លែងសក្ការបូជាតាំងពីសម័យអាណានិគមបារាំងមក ហើយក៏មានមនុស្សមិនតិចជាង១០០នាក់ទេ ដែលស្លាប់នៅលើខ្នងភ្នំនោះដោយសារតែពួកគេទៅសំណាក់ធម៌ហើយក៏ស្លាប់មិនអាចយកសពចុះមកវិញបានក៏កប ់នៅទីនោះ ។ បច្ចុប្បន្ន មានផ្នូរសពជនជាតិវៀតណាមជាច្រើនស្ថិតនៅទីនោះ ហេតុនេះហើយបានជាពួកជនជាតិវៀតណាមតែងលួចឡើងទៅលើភ្នំតៗគ្នា ដើម្បីទៅបន់ស្រន់ ឬទៅសំណាក់ធម៌រហូតមកដល់ពេលនេះ ។ សង្ឃអង្គនោះមានថេរដីកាទៀតថា ជនជាតិវៀតណាមទាំងនេះធ្វើដំណើរតាំងតែពីក្រុងព្រៃនគរមកកាន់ប្រវាំងកូននេះដោយម្នាក់ៗមា នជំនឿយ៉ាងមុតមាំ ព្រោះគេចាត់ទុកថា ប្រវាំងកូននៅលើខ្នងភ្នំកំចាយជាកន្លែងរបស់អាទិទេព ។
លោកវង្ស សាម៉េត ប្រធានមន្ទីរធម្មការ និងសាសនាខេត្ត បានមានប្រសាសន៍ថា ចំណុចប្រវាំងកូននោះលោកមិនធ្លាប់ធ្វើដំណើរទៅដល់ឡើយ និងមិនដឹងពីចំនួនជនបរទេសដែលឡើងទៅកាន់ចំណុចនោះថា មានចំនួនប៉ុន្មាននាក់ទេ ក្នុងមួយថ្ងៃៗព្រោះអ្នកឡើងទៅសំណាក់ធម៌អាចចុះឡើងៗ ។ គ្មានមន្ត្រីណាផ្សេងបានបង្ហាញពីចំនួនមនុស្សឡើងទៅសំណាក់ធម៌នៅចំណុចប្រវាំងកូនលើខ្នងភ្នំកំចាយឡ ើយ ប៉ុន្តែបើតាមប្រភពព័ត៌មានខ្លះនិយាយថា ក្រុមមន្ត្រីការពារឧទ្យានជាតិបូកគោគឺជាអ្នកគ្រប់គ្រងនៅតំបន់នោះ ៕