ខេត្តកំពង់ចាម ៖ ជនអគតិម្នាក់ឈ្មោះញឹម ឌីណាត អាយុ២៩ឆ្នាំ រស់នៅឃុំរំចេក ស្រុកកំពង់សៀមត្រូវកំលាំងប៉ុស្តិ៍រដ្ឋបាលឃុំរំចេក ឃាត់ខ្លួនកាលពីវេលាម៉ោង៧យប់ថ្ងៃទី២៣ ធ្នូ ពីបទចាប់រំលោភសេពសន្ថវៈទៅលើក្មេងស្រីអាយុ១២ឆ្នាំរហូតបានសំរេចជាបន្តបន្ទាប់៣លើក។ តាមប្រភពពីមន្ត្រីនគរបាលស្រុកកំពង់សៀមបានឱ្យដឹងថា កំលាំងប៉ុស្តិ៍រដ្ឋបាលឃុំរំចេក បានទទូលពាក្យបណ្តឹងពីឪពុកម្តាយរបស់ក្មេងស្រីរងគ្រោះកាលពីវេលាម៉ោង៦និង១៥នាទីល្ងាចថ្ងៃទី២១ ធ្នូ ឱ្យជួយអន្តរាគមន៍តាមចាប់ជនសង្ស័យឈ្មោះឌីណាតដែលបានធ្វើសកម្មភាពចាប់រំលោភមកលើកូនស្រីរបស់គាត់ទើបតែម ានអាយុ១២ឆ្នាំ នៅក្នុងរោងចាំស្រះត្រីមួយកន្លែង ស្ថិតនៅឃុំរំចេក ។ ប្រភពដដែលបន្តថា បន្ទាប់ មកបានរាយការណ៍ជូនលោកវរសេនីយ៍ត្រីប៉ាក ជាតិ អធិការនគរបាលស្រុកកំពង់សៀមនឹងចេញបញ្ជាឱ្យតាមចាប់ជននេះក្រោមការតាមប្រមាញ់រហូតដល់វេលាម៉ោង៧យប់ទើប ប្រទះឃើញជនសង្ស័យហើយក៏បានធ្វើការឃាត់ខ្លួនតែម្តងខណៈដែលបំរុងរត់គេចចេញពីមូលដ្ឋាន ហើយបញ្ជូនមកកាន់អធិការដ្ឋាននគរបាលស្រុកជាបន្ទាន់ដើម្បីសួរនាំ ។
តាមសំដីក្មេងស្រីរងគ្រោះអាយុ១២ឆ្នាំបានរៀបរាប់ថា កាលពីថ្ងៃទី២១ ធ្នូ នាងបានដើរកាត់តាមមាត់ស្រះទឹក១កន្លែងមានចំងាយពីផ្ទះប្រហែលជា១០០ម៉ែត្រ ចៃដន្យបានរអិលជ្រុះស្បែកជើងចូលទៅក្នុងទឹកស្រះនោះ ហើយឈ្មោះឌី ណាត រើសបាន ខណៈពេលនាងទៅសុំមកវិញ ដោយឃើញឱកាសស្ងាត់ល្អផងបុរសនោះក៏បានចាប់រំលោភតែម្តង ហើយថែមទាំងគំរាមសម្លាប់ទៀតប្រសិនបើនាងប្រាប់គេឱ្យដឹង។ បុរសនេះរំលោភក្មេងស្រីបានជាបន្តបន្ទាប់សរុបទាំងអស់ចំនួន៣លើកមកហើយ ។ នៅចំពោះមុខសមត្ថកិច្ចជនសង្ស័យឈ្មោះញឹម ឌីណាត បានឆ្លើយសារភាពថា កាលពីខែមេសា ឆ្នាំ២០១០រូបគេនិងក្មេងស្រីបានស្រលាញ់គ្នាទៅវិញទៅមកព្រមទាំងបានណាត់ជួបគ្នាជាញឹកញាប់ទៀតផង តែមិនបានស៊ីជំរៅពីរឿងផ្លូវភេទទេ ។ លុះដល់វេលាម៉ោង៧ព្រឹកថ្ងៃទី៩ ធ្នូ ២០១០ ខណៈពេលដែលខ្លួនដើរចេញពីរោងចិញ្ចឹមត្រីទៅបឹងស្រាប់តែឃើញនាងជិះកង់តែម្នាក់ឯងចូលមករោងចិញ្ចឹមត ្រីនោះដែរឱកាសហុចឱ្យក៏បានចាប់រំលោភរហូតបានសំរេច។ លោកវរសេនីយ៍ត្រីថូ ឡងឌី នាយរងការិយាល័យប្រឆាំងការជួញដូរមនុស្ស និងការពារអនីតិជននៃស្នងការដ្ឋានខេត្តបានឱ្យដឹងថាជនសង្ស័យឈ្មោះញឹម ឌីណាត ត្រូវបានរៀបចំសំណុំរឿងបញ្ជូនទៅកាន់សាលាដំបូងខេត្តដើម្បីចាត់ការតាមច្បាប់នារសៀលថ្ងៃទី២៤ធ្នូ ៕
