រាជធានីភ្នំពេញ ៖ យុវជនម្នាក់បានចង.កសំលាប់ខ្លួនដោយសារតែខឹងឪពុកបង្ខំឱ្យរៀបការប្រពន្ធនៅឯស្រុកកំ ណើត ។ ការធ្វើអត្តឃាតនេះនៅបន្ទប់ជួលក្នុងភូមិព្រែកតានូ សង្កាត់ចាក់អង្រែលើ ខណ្ឌមានជ័យ ហើយគេប្រទះឃើញកាលពីព្រឹកថ្ងៃ ទី២៦ ធ្នូ ឆ្នាំ២០១០ ។ យុវជននោះឈ្មោះឆេន សុផាត អាយុ២៣ឆ្នាំ មានស្រុកកំណើតនៅស្រុកព្រះស្តេច ខេត្តព្រៃវែង បានជួលបន្ទប់កើតហេតុស្នាក់នៅដើម្បីប្រកបរបរជាកម្មករសំណង់ជាមួយមិត្តភក្តិ២នាក់ ទៀត ។ តាមសមត្ថកិច្ចមូលដ្ឋានឱ្យដឹងថា តាមការស្រាវជ្រាវឆេន សុផាត តូចចិត្តរឿងឪពុកបង្ខំឱ្យទៅរៀបការប្រពន្ធនៅឯស្រុកកំណើតទើបធ្វើអត្តឃាត ។
នៅយប់កើតហេតុគេបានផឹកស្រាជាមួយមិត្តភក្តិ២នាក់ទៀតរហូតស្រវឹង ទើបចូលដេក ចំណែកមិត្តភក្តិ២នាក់ផ្សេងទៀតចេញទៅដេកនៅផ្ទះផ្សេង ។ ប្រភពព័ត៌មានឱ្យដឹងថា ព្រឹកឡើងមិត្តភក្តិត្រឡប់ទៅហៅឈ្មោះឆេង សុផាត ទៅធ្វើការតែមិនឮឆ្លើយតបទេ ។ ពេលមិត្តភក្តិអើតមើលតាមបង្អួចស្រាប់តែឃើញគេចង.ក នឹងក្រមាភ្ជាប់ជាមួយធ្នឹមផ្ទះស្លាប់បាត់ទៅហើយ ។ ពេលមានការភ្ញាក់ផ្អើលនោះសមត្ថកិច្ចបានទៅពិនិត្យសព រួចប្រគល់ឱ្យក្រុមគ្រួសារដឹកយកទៅធ្វើបុណ្យនៅឯស្រុកកំណើតដោយរកពុំឃើញភស្តុតាងអ្វីក្រ ៅពីការធ្វើអត្តឃាតទេ ៕