ខេត្តស្វាយរៀង ៖ កាលពីរសៀលថ្ងៃទី២៤ ធ្នូ នៅសាលាខេត្តបានរៀបចំពិធីប្រកាសផ្លាស់ប្តូរ និងប្រគល់ភារកិច្ចជូនមន្ត្រីពន្ធនាគារក្រោមអធិបតីភាពលោកហ៊ុយ ហឿន អគ្គនាយករងនៃអគ្គនាយកដ្ឋានពន្ធនាគារ និងលោកស៊ុំ សុជាតិ អភិបាលរងខេត្ត។ អញ្ជើញចូលរួមក្នុងពិធីនោះមានមេបញ្ជាការ បញ្ជាការរងតំបន់ប្រតិបត្តិការសឹករងខេត្ត មេបញ្ជាការ បញ្ជាការរងកងរាជអាវុធហត្ថខេត្ត ប្រធាន អនុប្រធានមន្ទីរនានាជុំវិញខេត្ត និងមន្ត្រីរាជការបំរើការងារនៅពន្ធនាគារខេត្តសរុបជិត១០០នាក់។
យោងតាមសេចក្តីប្រកាសរបស់ក្រសួងមហាផ្ទៃ ចុះថ្ងៃទី២៦ ខែវិច្ឆិកា ២០១០ បានសំរេចតែងតាំងលោកសួស សាខូ ឋានន្តរស័ក្តិមន្ត្រីក្រមការដើមខ្សែថ្នាក់លេខ១០ ជាប្រធានពន្ធនាគារខេត្តជំនួសលោកកែន សាវឿន ដែលចូលនិវត្តន៍។ ក្នុងឱកាសនោះលោកសួស សាខូ បានប្តេជ្ញាចិត្តសហការអនុវត្តតួនាទីភារកិច្ចគ្រប់គ្រងដឹកនាំអង្គភាពឱ្យបានល្អប្រសើរតា មគោលការណ៍របស់អង្គភាពពន្ធនាគារ និងក្រសួងមហាផ្ទៃ។ ប្តេជ្ញាយកចំណេះដឹងទាំងអស់ប្រែក្លាយជាសកម្មភាពការងារជាក់ស្តែងដើម្បីបំរើផលប្រយោជន៍អង ្គភាព និងរួមចំណែកដល់ការអភិវឌ្ឍពន្ធនាគារឱ្យមានភាពរីកចំរើនជាបន្តបន្ទាប់។ បង្កើនសាមគ្គីភាពផ្ទៃក្នុងអង្គភាពពន្ធនាគារក៏ដូចជាអង្គភាពពាក់ព័ន្ធដទៃទៀតឱ្យកាន់ត ែល្អប្រសើរដើម្បីរួមគ្នាអនុវត្តសំរេចភារកិច្ចជូនប្រទេសជាតិ និងប្រជាជន។
លោកស៊ុំ សុជាតិ អភិបាលរងខេត្តមានប្រសាសន៍ថា ការតែងតាំងប្រធានពន្ធនាគារនេះគឺសំដៅបន្តនិរន្តរភាពក៏ដូចជាបង្កើនគុណភាពដឹកនាំរបស់អ ង្គភាពពីមួយថ្ងៃទៅមួយថ្ងៃឱ្យកាន់តែរីកចំរើន ពិសេសលើបញ្ហាធនធានមនុស្ស។ លោកសង្ឃឹម និងជឿជាក់ថា លោកសួស សាខូ ដែលទើបទទួលការតែងតាំងថ្មី នឹងបន្តដឹកនាំយ៉ាងសកម្មតាមតួនាទីភារកិច្ចរបស់ខ្លួនស្របតាមគោលនយោបាយរបស់រដ្ឋាភិបាល ឱ្យសំរេចបានជោគជ័យធំៗបន្ថែមទៀតតាមទិសដៅដែលបានដាក់ចេញដូចជាត្រួតពិនិត្យឱ្យបានដិត ដល់ចំពោះបញ្ហាជីវភាពរបស់ពិរុទ្ធជន និងទណ្ឌិតក៏ដូចជាបញ្ហាសុខុមាលភាពផ្ទាល់របស់ពួកគេ។ ផ្តល់សេវាល្អដល់ពួកគេដើម្បីឱ្យមានលទ្ធភាពក្នុងការកែប្រែខ្លួន និងទទួលបានការអប់រំថ្មីៗពីសមត្ថកិច្ចជំនាញ ពេលពួកគេត្រឡប់ចេញទៅវិញអាចរួមរស់ក្នុងសង្គមជាតិបាន។ បន្តសហការល្អជាមួយសមត្ថកិច្ចគ្រប់លំដាប់ថ្នាក់ ពិសេសដៃគូអភិវឌ្ឍន៍ទាំងថ្នាក់ជាតិ និងអន្តរជាតិដើម្បីទទួលបានការជួយឧបត្ថម្ភជាសំភារនិងថវិកាស្មារតីដល់មន្ត្រីជំនាញ ។
លោកហ៊ុយ ហឿន មានប្រសាសន៍ថា លោកមើលឃើញមន្ត្រីពន្ធនាគារខេត្តស្វាយរៀងបានខិតខំពុះពារគ្រប់ឧបសគ្គរហូតសំរេចបានជោគ ជ័យគ្រប់ភារកិច្ចគួរឱ្យកោតសរសើរ។ ដើម្បីឱ្យការងារទាំងនោះកាន់តែទទួលបានជោគជ័យថែមទៀតនោះ លោកសំណូមពរឱ្យមន្ត្រីពន្ធនាគារទាំងអស់ប្រកាន់ខ្ជាប់ភារកិច្ច គោលការណ៍របស់ពន្ធនាគារចំនួន៣ចំណុចគឺទី១ គ្រប់គ្រងសុវត្ថិភាព សន្តិសុខក្នុងពន្ធនាគារ ពិសេសអ្នកទោសប្រកបដោយមនុស្សធម៌។ ទី២ លើកកំពស់សេវាសុខភាព និងសិទ្ធិមនុស្ស និងទី៣ ការអប់រំនីតិសម្បទា។ ម៉្យាងទៀតដើម្បីឱ្យការងារពន្ធនាគារប្រព្រឹត្តទៅដោយរលូននោះថ្នាក់ដឹកនាំពន្ធនាគារត្រូ វអនុវត្តទៅតាមគោលការណ៍៣យ៉ាង គឺទី១ ការដឹកនាំប្រកបដោយលទ្ធិប្រជាធិបតេយ្យផ្ទៃក្នុង។ ទី២ ធ្វើឱ្យសុក្រឹតការងារបុគ្គលិក និងទី៣ សំអិតសំអាងការងារហិរញ្ញវត្ថុសាធារណៈ ៕