ខេត្តបាត់ដំបង ៖ មានសេចក្តីរាយការណ៍ពីមន្ត្រីនគរបាលស្រុកបាណន់ថា ក្រុមកុមារាចំនួន៣នាក់ ដែលទើបមានអាយុពី៨ដល់១១ឆ្នាំ បានទទួលរងការប្តឹងចោទប្រកាន់ពីម្តាយកុមារីរងគ្រោះម្នាក់ថា បានព្រួតគ្នាចាប់កូនស្រីរបស់គាត់ដែលទើបមានអាយុ៧ឆ្នាំរំលោភសេពសន្ថវៈ កាលពីព្រឹកថ្ងៃទី២៣ ធ្នូ កន្លងទៅ ខណៈដែលពួកគេលេងជុំគ្នានៅក្បែរផ្ទះ ស្ថិតក្នុងឃុំសំពៅ ស្រុកបាណន់ ។
តាមប្រភពពីលោកប៊ុត សំបូរ អធិការនគរបាលស្រុកបាណន់ បានឱ្យដឹងនៅព្រឹកថ្ងៃទី២៦ ធ្នូថា បើតាមការពិនិត្យនិងធ្វើការសាកសួរលើភាគីទាំង២គឺមិនមែនជាករណីចាប់រំលោភសេពសន្ថវៈទ េ គ្រាន់តែជាការលេងសើចរបស់ក្រុមកុមារទាំងនោះប៉ុណ្ណោះ ។ ពួកគេបានលេងជាមួយគ្នាជារបៀបធម្មតារបស់ក្មេងៗ ពេលនោះក្រុមក្មេងប្រុសបានសំឡុតឱ្យកុមារីនោះដោះសំលៀកបំពាក់ បែបលេងសើចដូចរឿងភាពយន្ត តែពួកគេមិនបានប្រព្រឹត្តលើសពីនេះទេ ។ លោកអធិការបានបញ្ជាក់ថា ក្រោយពីឈប់លេងជុំគ្នាក្មេងស្រីនោះបានទៅផ្ទះរួចនិយាយប្រាប់ម្តាយអំពីរឿងនេះ ទើបម្តាយក្តៅក្រហាយទៅប្តឹងសមត្ថកិច្ចមូលដ្ឋានចោទប្រកាន់ក្រុមកុមារាខិលខូចទាំង៣នាក់ នោះថា ព្រួតគ្នាចាប់រំលោភកូនស្រីគាត់តែម្តងទៅ ។ លោកបានបញ្ជាក់ទៀតថា សមត្ថកិច្ចបានយកក្មេងស្រីនេះទៅឱ្យគ្រូពេទ្យពិនិត្យទៀតផង តែគ្មានស្លាកស្នាមទេ ។
ទោះជាបែបណា នេះគឺគ្រាន់តែជាការអះអាងបំភ្លឺពីលោកអធិការស្រុកបាណន់តែប៉ុណ្ណោះ ប៉ុន្តែកោះសន្តិភាពមិនទាន់បានទំនាក់ទំនងសុំការបំភ្លឺពីស្ត្រីជាម្តាយក្មេងស្រីរងគ្រ ោះនោះនៅឡើយទេ រហូតមកដល់ពេលនេះ ។ លោកប៊ុត សំបូរ បានបញ្ជាក់បន្ថែមថា លោកកំពុងព្យាយាមឱ្យភាគីទាំង២ធ្វើការសំរបសំរួលគ្នាដោយមានការផ្តល់សំណងជំងឺចិត្តខ្លះ ដល់ម្តាយកុមារីនោះ ដើម្បីបញ្ចប់រឿង ព្រោះនេះមិនទាន់ឈានដល់ការចាប់រំលោភសេពសន្ថវៈពិតប្រាកដទេ ៕