ខេត្តក្រចេះ ៖ ក្នុងនាមជាមន្ត្រីនគរបាល ដែលមានអាកប្បកិរិយាថ្លៃថ្នូរ និងពាក្យសំដីហ្មត់ចត់ប្រៀបបានជាអាវុធដ៏មុតស្រួច ។ នេះជាប្រសាសន៍របស់លោកស្នងការនគរបាលខេត្តដែលបានផ្តាំផ្ញើ និងទូន្មានដល់មន្ត្រីនគរបាលជាច្រើនរូបក្នុងពិធីបំពាក់ឋានន្តរស័ក្តិអតីតភាពដល់មន្ត្រីន គរបាលនៃអធិការដ្ឋានស្រុកឆ្លូង រួមទាំងពិធីដុតបំផ្លាញឧបករណ៍នេសាទខុសច្បាប់ កាលពីល្ងាចថ្ងៃទី២៤ ធ្នូ នៅក្នុងបរិវេណអធិការដ្ឋាននគរបាលស្រុកឆ្លូង ក្រោមការអញ្ជើញជាអធិបតីភាពពីសំណាក់លោកឧត្តមសេនីយ៍ជួង ស៊ាងហាក់ ស្នងការនគរបាលខេត្ត និងលោកស្នងការរងជាច្រើនរូបទៀត ។
លោកវរសេនីយ៍ត្រី ហុង សុខលី អធិការនគរបាលស្រុកឆ្លូង បានឡើងអានរបាយការណ៍ឱ្យដឹងថា អធិការដ្ឋាននគរបាលស្រុកឆ្លូងមានកម្លាំងរួមចំនួន១៥៨នាក់ក្នុងនោះស្រី៦នាក់ និងមានប៉ុស្តិ៍រដ្ឋបាលចំនួន៨ប៉ុស្តិ៍ ហើយរយៈកាលកន្លងមកដោយមានការដឹកនាំចង្អុលបង្ហាញពីលោកស្នងការនគរបាលខេត្ត កម្លាំងនគរបាលនៃអធិការដ្ឋានស្រុក បានចុះសហការជាមួយកម្លាំងមានសមត្ថកិច្ចគ្រប់ជាន់ថ្នាក់ ក្នុងការបង្ការនិងបង្ក្រាបបទល្មើសបានជាបន្តបន្ទាប់ ធ្វើឱ្យសកម្មភាពបទល្មើសគ្រប់ប្រភេទនិងសកម្មភាពក្មេងទំនើងក្នុងស្រុក មានការថយចុះជាងឆ្នាំមុនៗគួរឱ្យកត់សំគាល់ ។
លោកអធិការបានបន្តថា នៅក្នុងពិធីបំពាក់ឋានន្តរស័ក្តិអតីតភាពនៅថ្ងៃនេះ ជូនដល់មន្ត្រីនគរបាលចំនួន៧៦រូប ហើយក៏មានពិធីដុតបំផ្លាញឧបករណ៍នេសាទខុសច្បាប់ដែលកម្លាំងនគរបាលបានចុះសហការជាមួយជំនា ញរដ្ឋបាលជលផលរឹបអូសបាន និងអាវុធច្នៃ ដែលដកហូតពីជនទុច្ចរិតមួយចំនួនក្នុងរយៈពេលមួយឆ្នាំកន្លងមក មានស្បៃមុង៧៩ខ្សែ របាំងស្បៃមុងចំនួន៤.៨០០ម៉ែត្រ បង្គោលឈើនិងបង្គោលឫស្សីចំនួន៦២៥ដើម ដុំឆក់ត្រីចំនួន៧០គ្រឿង និងដងចង្កិះចំនួន២០គូ ។ នៅក្នុងសកម្មភាពនៃការចុះបង្ក្រាបបទល្មើសនេសាទនេះដែរ ក៏បានឃាត់ខ្លួនជនល្មើសចំនួន១៨នាក់ មកធ្វើការអប់រំណែនាំហើយធ្វើកិច្ចសន្យាឱ្យបញ្ឈប់សកម្មភាពល្មើសច្បាប់នេះតទៅទៀត ។ លោកអធិការបានបញ្ជាក់ថា បន្ទាប់ពីមានការចុះផ្សព្វផ្សាយស្តីពីការគ្រប់គ្រងអាវុធជាតិផ្ទុះ និងគ្រាប់រំសេវដល់ប្រជាពលរដ្ឋបានយល់ដឹងរួចមក មានអាវុធច្នៃចំនួន៧៥ដើម ដែលប្រជាពលរដ្ឋបានយកមកប្រគល់ជូន ហើយក៏ត្រូវធ្វើការដុតបំផ្លាញចោលដែរ ។
មានប្រសាសន៍ទៅកាន់អង្គពិធីទាំងមូល លោកឧត្តមសេនីយ៍ជួង ស៊ាងហាក់ ស្នងការនគរបាលខេត្ត បានថ្លែងទូន្មានដល់កងកម្លាំងមន្ត្រីនគរបាលថា ក្នុងនាមជាមន្ត្រីនគរបាលយុត្តិធម៌ត្រូវយកចិត្តទុកដាក់ឱ្យបានខ្ពស់បំផុតដើម្បីសន្ត ិសុខជូនប្រជាពលរដ្ឋ ធ្វើយ៉ាងណាអនុវត្តទៅតាមយុទ្ធសាស្ត្ររបស់រាជរដ្ឋាភិបាលទៅលើការអនុវត្តន៍គោលនយោបា យភូមិ-ឃុំមានសុវត្ថិភាព ៕