រាជធានីភ្នំពេញ ៖ បុរសម្នាក់បានខ្ទាតចេញពីលើម៉ូតូ ហើយបោកក្បាលស្លាប់ទាំងពាក់មួកសុវត្ថិភាព នៅពេលបើកម៉ូតូម៉ាកហុងដា វ៉េវពណ៌ត្រួយចេក ពាក់ស្លាកលេខភ្នំពេញ ១M២៦៣៨ បុករបាំងថ្មខណ្ឌចែកផ្លូវពេញទំហឹង ។ គ្រោះថ្នាក់ដ៏រន្ធត់នេះត្រូវសមត្ថកិច្ចឱ្យដឹងថា កើតឡើងកាលពីវេលាម៉ោង៧ និង៣០នាទីយប់ ថ្ងៃទី២៧ ធ្នូ នៅតាមមហាវិថីសហព័ន្ធរុស្ស៊ី មុខមន្ទីរសំរាកព្យាបាល និងសម្ភពទឹកថ្លាក្នុងសង្កាត់ទឹកថ្លា ខណ្ឌសែនសុខ ។ ជនរងគ្រោះត្រូវសមត្ថកិច្ចឱ្យដឹងថា ឈ្មោះគឹម លី ភេទប្រុស អាយុ៥៨ឆ្នាំ មានទីលំនៅក្នុងភូមិព្រៃព្រីងខាងត្បូង សង្កាត់ចោមចៅ ខណ្ឌដង្កោ បានផ្លោងចេញពីម៉ូតូទៅផ្លូវម្ខាងបោកក្បាលស្លាប់ភ្លាម ។
តាមសាក្សីនៅកន្លែងកើតហេតុឱ្យដឹងថា បុរសរូបនោះជិះម៉ូតូហុងដាវ៉េវពណ៌ត្រួយចេក ពាក់ស្លាកលេខភ្នំពេញ ១M២៦៣៨ តាមមហាវិថីសហព័ន្ធរុស្ស៊ីក្នុងទិសដៅពីកើតទៅលិច លុះដល់ចំណុចកើតហេតុមុខផ្សារទឹកថ្លាដៃម៉ូតូបានទាក់នឹងកាបូបស្ពាយរបស់ស្ត្រីម្នាក់ដែល ធ្វើដំណើរតាមម៉ូតូក្នុងទិសដៅស្របគ្នា ។ ការទាក់នោះបណ្តាលឱ្យម៉ូតូរបស់ជនរងគ្រោះជ្រុលទៅបុករបាំងថ្មខណ្ឌចែកផ្លូវទើបអ្នកបើក បរផ្លោងចេញពីលើម៉ូតូទៅចំណែកផ្លូវម្ខាងរំលងរបាំងថ្ម ហើយបោកក្បាលស្លាប់តែម្តង ។ សាក្សីឱ្យដឹងទៀតថា នៅពេលអ្នកបើកម៉ូតូខ្ទាតនោះបានទៅប៉ះម៉ូតូម៉ាកវីវ៉ាពណ៌ខ្មៅមួយគ្រឿងបណ្តាលឱ្យដួលផងដែ រ ។ ភ្លាមៗនោះគេស្មានតែម៉ូតូម៉ាកវីវ៉ាជាអ្នកបុក ដូច្នេះហើយអ្នកដំណើរប្រុងឃាត់អ្នកបើកម៉ូតូវីវ៉ា តែនៅពេលដឹងការពិតក៏មិនឃាត់វិញ ៕