ខេត្តស្ទឹងត្រែង ៖ យុវជនឡើងកម្នាក់ដែលផឹកស្រាស្រវឹងសម្លឹងឃើញបងថ្លៃស្រីមានផ្ទៃពោះ៨ខែ ស្អាត ថ្លើមធំហ៊ានចាប់រំលោភ ខណៈបងប្រុសរបស់ខ្លួនទៅស៊ីឈ្នួលដកដំឡូងឱ្យគេ ប៉ុន្តែទីបំផុតជនងប់ងល់ដោយកាមតណ្ហានេះ ត្រូវប៉ូលិសចាប់ខ្លួន ក្រោយការប្រព្រឹត្តអំពើអប្រិយរបស់គេបានមួយថ្ងៃ ។ យោងតាមពាក្យបណ្តឹងរបស់ស្ត្រីរងគ្រោះអាយុ១៧ឆ្នាំ ដែលត្រូវជាបងថ្លៃស្រីរបស់ជនដៃដល់បានរៀបរាប់ថា ជនល្មើសឈ្មោះពុធ តុលា អាយុ១៩ឆ្នាំ ដែលជាប្អូនថ្លៃ ពេលត្រឡប់មកពីផឹកស្រានៅផ្ទះមិត្តភក្តិវិញនាវេលាម៉ោង៦និង៣០នាទីល្ងាចថ្ងៃទី២៦ ធ្នូ ក្នុងសភាពស្រវឹងជោកជាំ បានហៅរូបនាងជាបងថ្លៃឱ្យដួសបាយឱ្យខ្លួនហូប ។ ពេលនោះប្តីរបស់នាងដែលជាបងប្រុសបង្កើតរបស់ជនអប្រិយនេះមិននៅផ្ទះទេ ព្រោះជាប់ទៅស៊ីឈ្នួលដកដំឡូងឱ្យគេ ។
លុះហូបបាយហើយពេលនាងប្រមូលចានឆ្នាំងទុក ស្រាប់តែជននេះឆក់ឱកាសចាប់បីនាងចូលក្នុងបន្ទប់ហើយគំរាមមិនឱ្យស្រែករួចរំលោភសេពសន្ថវៈ រហូតបានសំរេច ។ ស្ត្រីជាបងថ្លៃរងគ្រោះបានរៀបរាប់ទៀតថា លុះព្រឹកឡើងថ្ងៃទី២៧ ធ្នូ នាងបានមកដាក់ពាក្យបណ្តឹងនៅអធិការដ្ឋានស្រុកសៀមបូកដើម្បីជួយអន្តរាគមន៍ដែលក្រោយពីទទួលបាន ពាក្យបណ្តឹងនោះ កម្លាំងនៃអធិការដ្ឋានស្រុកបានចុះទៅធ្វើការឃាត់ខ្លួនជនដៃដល់មកសាកសួរនៅល្ងាចថ្ងៃ ដដែលនិងបានឃុំខ្លួននៅអធិការដ្ឋានស្រុក ហើយព្រឹកឡើងថ្ងៃទី២៨ ធ្នូ ក៏បញ្ជូនទៅកាន់ការិយាល័យប្រឆាំងការជួញដូរមនុស្សនិងការពារអនីតិជនខេត្តបន្តទៀតដើម្បីស ាកសួរ ។
ជនជាប់ចោទបានឆ្លើយសារភាពថា ខ្លួនពិតជាបានចាប់រំលោភបងថ្លៃស្រីប្រាកដមែន ព្រោះខ្លួនបានផឹកស្រាស្រវឹងខ្លាំងពេក ទើបពេលនោះមិនដឹងថា ចាប់រំលោភបងថ្លៃស្រីរបស់ខ្លួនដែលមានផ្ទៃពោះ៨ខែទៅវិញ ។ ក្រោយពីបានសារភាពហើយនោះ ជនជាប់ចោទត្រូវបានសមត្ថកិច្ចនៃការិយាល័យប្រឆាំងការជួញដូរមនុស្ស និងការពារអនីតិជនកសាងសំណុំរឿងបញ្ជូនទៅសាលាដំបូងខេត្ត ៕