ខេត្តកំពង់ចាម ៖ កំលាំងនគរបាលការិយាល័យប្រឆាំងការជួញដូរមនុស្ស និងការពារអនីតិជននៃស្នងការដ្ឋាននគរបាលខេត្ត បានឃាត់ខ្លួនជនម្នាក់ឈ្មោះយីម ធីម ហៅដា ភេទប្រុស អាយុ២៣ឆ្នាំ រស់នៅភូមិថ្លុកក្រវាន់ ឃុំបុសខ្នុរ ស្រុកចំការលើ កាលពីវេលាម៉ោង៣រសៀលថ្ងៃទី១៩ ធ្នូ នៅនឹងផ្ទះរបស់ជននេះ ដោយជាប់ចោទពង្រត់ក្មេងស្រីជំទង់ អាយុ១៦ឆ្នាំ ពីក្រុងបានលុង ខេត្តរតនគីរី ហើយត្រូវម្តាយនាងប្តឹងទាមទារជំងឺចិត្ត១០.០០០ដុល្លារ ។#លោកវរសេនីយ៍ត្រី ថុល ម៉េង នាយរងការិយាល័យប្រឆាំងការជួញដូរមនុស្ស និងការពារអនីតិជននៃស្នងការដ្ឋានខេត្តបានឱ្យដឹងថា ការឃាត់ខ្លួននេះ គឺដោយមានកិច្ចសហការរវាងនគរបាលប្រឆាំងការជួញដូរមនុស្សខេត្តរតនគីរី និងនគរបាលខេត្តកំពង់ចាម ។ តាមរយៈការចុះស្រាវជ្រាវរបស់កំលាំងនគរបាលមូលដ្ឋាន លោកវរសេនីយ៍ឯក ជឹម សេង ហុង ស្នងការរងនគរបាលខេត្តទទួលផែនកណ្តាលយុត្តិធម៌ក៏បានចាត់ឱ្យរូបលោកដឹកនាំកំលាំងក្រោមឱវ ាទចុះសហការជាមួយនឹងលោកអនុសេនីយ៍ឯក អ៊ិត ដារ៉ា អធិការនគរបាលស្រុកចំការលើឃាត់ខ្លួនជនសង្ស័យឈ្មោះយីម ធីម បញ្ជូនទៅកាន់ស្នងការដ្ឋាននគរបាលខេត្តដើម្បីសាកសួរ ។
ក្រោយពីត្រូវឃាត់ខ្លួន យុវជនឈ្មោះយីម ធីម បានឆ្លើយថា រូបគេបានចេញពីផ្ទះទៅរស់នៅផ្សារក្រុងបានលុង ខេត្តរតនគីរីដើម្បីរៀនជួសជុលទួរស័ព្ទដៃរយៈពេល៨ខែមកហើយ ព្រមទាំងចេះ និងជិតចេញមកប្រកបរបរខ្លួន#ឯងទៀតផង ។ ក្នុងពេលមួយនោះមានមិត្តភក្តិបានឱ្យលេខទូរស័ព្ទរបស់ក្មេងស្រីខាងលើ ដែលមានផ្ទះនៅចំងាយប្រហែល៥០ម៉ែត្រប៉ុណ្ណោះពីហាងទូរស័ព្ទដែលរូបគេកំពុងរៀននោះ ។ តាមរយៈការជួបទាក់ទងតាមទូរស័ព្ទជាញឹកញាប់ធ្វើឱ្យរូបគេស្គាល់ចិត្តគ្នាទៅវិញទៅមក ព្រមទាំងបានស្រលាញ់គ្នាទៀតផង ។ មានពេលខ្លះពួកគេទាំង២នាក់បានជិះម៉ូតូដើរលេងជាមួយគ្នាដោយមិនឱ្យឪពុកម្តាយរបស់នាង ដឹងទេ ។ បន្ទាប់មកនៅថ្ងៃទី១៧ ធ្នូ ២០១០ រូបគេបានបបួលនាងជិះម៉ូតូចេញពីផ្សារក្រុងបានលុងមកដល់ចំណុចត្រពាំងក្រហមក៏ឡើងជិះរថយ ន្តឈ្នួលមកកាន់រាជធានីភ្នំពេញដេកនៅផ្ទះសំណាក់១យប់ ព្រមទាំងបានខ្លួនប្រាណនាងថែមទៀត ។ លុះពេលព្រឹកឡើងចេញដំណើរឆ្ពោះទៅកាន់ផ្ទះរបស់គេស្ថិតនៅភូមិថ្លុកក្រវាន់ ឃុំបុសខ្នុរ ស្រុកចំការលើដេកបាន១យប់ ស្រាប់តែនៅថ្ងៃទី១៩ ធ្នូ ក៏ត្រូវសមត្ថកិច្ចមកឃាត់ខ្លួនតែម្តង ។
លោកវរសេនីយ៍ត្រីថុល ម៉េង បានបញ្ជាក់ថា ជុំវិញករណីនេះត្រូវបានម្តាយឪពុករបស់ក្មេងស្រីប្តឹងទាមទារសំណងជំងឺចិត្តចំនួន១០.០០០ដុ ល្លារដើម្បីបញ្ចប់រឿងក្តី តែភាគីខាងជនជាប់ចោទវិញមានតែ១.០០០ដុល្លារប៉ុណ្ណោះ ។ រហូតមកដល់ម៉ោង២រសៀល ថ្ងៃទី២០ ធ្នូ ភាគីទាំងសងខាងនៅតែសំរួលគ្នាមិនត្រូវទៀត មិនដឹងថាតើវាសនារបស់យុវជនរូបនេះទៅជាយ៉ាងណាទេ ៕