រាជធានីភ្នំពេញ ៖ យុវជនស្ទាវ២ក្រុមបានប៉ះទង្គិចគ្នាមួយប្រាវបង្កឱ្យមានការភ្ញាក់ផ្អើលយ៉ាងខ្លាំ ង ដោយមួយក្រុមមានគ្នាច្រើនប្រដាប់ដោយដំបង ព្រនង់ច្រូងច្រាង និងមួយក្រុមទៀតមានគ្នាតិចប្រដាប់ដោយកាំបិតប៉័ងតោ ។ ការប្រឈមមុខគ្នានោះវាស្ទើរតែបង្ហូរឈាមដាក់គ្នាទៅហើយ ប៉ុន្តែត្រូវបានកំលាំងប៉ូលិសប៉ុស្តិ៍កាកាបចេញអន្តរាគមន៍ទាន់ពេល ព្រមទាំងឃាត់ខ្លួនភាគីទាំងសងខាងបានចំនួន៤នាក់នាំយកទៅធ្វើការសាកសួរទៀតផង ។ ហេតុការណ៍នោះបានកើតឡើងកាលពីវេលាម៉ោង៩និង៤០នាទីព្រឹកថ្ងៃទី២៦ ខែធ្នូ ឆ្នាំ២០១០ នៅក្នុងបរិវេណអនុវិទ្យាល័យពោធិចិនតុង ភូមិប៉ប្រកខាងត្បូង សង្កាត់កាកាប ខណ្ឌដង្កោ រាជធានីភ្នំពេញ ។
យុវជនដែលត្រូវប៉ូលិសឃាត់ខ្លួននោះក្រុមទី១ មានពីរនាក់ម្នាក់ឈ្មោះឈឿន វាសនា អាយុ១៨ឆ្នាំ និងម្នាក់ទៀត ឈ្មោះសុខ ដា អាយុ១៨ឆ្នាំ ពួកគេទាំងពីរនាក់ជាកម្មករសិប្បកម្មតែគជ់ មានទីលំនៅភូមិអំពិលទឹក ឃុំកំពង់ភ្នំ ស្រុកលើកដែក ខេត្តកណ្តាល ប៉ូលិសដកហូតបានកាំបិតប៉័ងតោ១ផងដែរ ។ ចំណែកឯក្រុមទី២ ត្រូវបានគេអះអាងថា មានគ្នាច្រើនប្រដាប់ដោយដំបងនិងព្រនង់ ហើយត្រូវសមត្ថកិច្ចឃាត់ខ្លួនបាន២នាក់ដែរគឺម្នាក់ឈ្មោះ អន មករា អាយុ១៧ឆ្នាំ ជាសិស្សថ្នាក់ទី១០ វិទ្យាល័យបូរី១០០ខ្នង មានទីលំនៅក្នុងភូមិកើតហេតុ និងម្នាក់ទៀតឈ្មោះកៀត ផាត់យុទ្ធ អាយុ១៧ឆ្នាំ ជាសិស្សថ្នាក់ទី៩វិទ្យាល័យខាងលើ មានទីលំនៅភូមិតាងួន សង្កាត់កាកាប ខណ្ឌដង្កោ រាជធានីភ្នំពេញ ។
មន្ត្រីប៉ូលិសប៉ុស្តិ៍កាកាបបានឱ្យដឹងថា នៅមុនពេលឈានដល់ការចាប់ខ្លួនគូភាគីទំនាស់ទាំងសងខាងនោះមានប្រជាពលរដ្ឋរាយការណ៍ថា មានជនស្ទាវ២ក្រុមមួយក្រុមប្រដាប់ដោយដំបង ព្រនង់ ចបជីកស្ទើរតែគ្រប់ដៃនិងមានគ្នាច្រើនជាង១០នាក់ និងមួយក្រុមទៀតប្រដាប់ដោយកាំបិតប៉័ងតោនិងមានគ្នាតិចជាងកំពុងដេញវាយតប់គ្នាពេញក្នុង ទីធ្លាអនុវិទ្យាល័យពោធិចិនតុងនោះ ។ ភ្លាមនោះសមត្ថប៉ូលិសបានចេញទៅអន្តរាគមន៍នៅកន្លែងកើតហេតុ ហើយបានឃើញភាគីម្ខាងគឺក្រុមទី១កំពុងស្ថិតនៅក្នុងវិទ្យាល័យដោយសារប្រជាពលរដ្ឋនៅជិតនោះច ាក់សោពីខាងក្រៅជាប់ ។ ឯភាគីម្ខាងទៀតគឺក្រុមទី២ នៅខាងក្រៅរបងដោយមានប្រជាពលរដ្ឋចោមរោមមើលយ៉ាងច្រើនកកកុញ ហើយភាគីទាំងពីរនោះអត់មានឃើញនរណាម្នាក់មានអាវុធនៅក្នុងដៃទេព្រោះដឹងថាសមត្ថកិច្ចប៉ូលិ សចុះទៅពួកគេបានបោះចោលដំបងព្រនង់និងលាក់កាំបិតអស់ហើយ ខ្លះក៏បានរត់គេចខ្លួនដែរ ។ ប្រភពដដែលបានបន្តថា ពេលនោះសមត្ថកិច្ចប៉ូលិសបានឃាត់ខ្លួនភាគីជំលោះទាំងសងខាងបាន៤នាក់ គឺម្ខាងពីរនាក់ៗ នាំយកទៅកាន់ប៉ុស្តិ៍ដើម្បីធ្វើការសាកសួរ ហើយពេលទៅដល់ប៉ុស្តិ៍ពួកគេបានចោទប្រកាន់គ្នាទៅវិញទៅមក ។
ភាគីក្រុមទី១ បានប្រាប់ប៉ូលិសថា នៅវេលាល្ងាចថ្ងៃទី២៥ ធ្នូ ប្អូនប្រុសរបស់ខ្លួនម្នាក់ឈ្មោះឈឿន សម្បត្តិ អាយុ១៤ឆ្នាំ ទៅទទួលក្មួយចេញពីរៀនត្រូវក្រុមរបស់ឈ្មោះអន មករា និងឈ្មោះកៀត ផាត់យុទ្ធ វាយ៣-៤ដៃបណ្តាលឱ្យដួលផ្កាប់មុខ បន្ទាប់មកពួកគេបាននិយាយសុំទោសប្អូនខ្លួនថាវាយច្រឡំមនុស្ស ។ លុះព្រឹកឡើងទើបពួកខ្លួនជិះម៉ូតូ២គ្រឿងគ្នា៤នាក់ទៅកាន់សាលានោះដើម្បីសួររកអ្នកវាយ ប្អូនខ្លួន ក៏ត្រូវពួកពីរនាក់នោះនិងបក្សពួកជាង១០នាក់ទៀតប្រដាប់ដោយដំបងព្រនង់ និងចបជីកស្ទើរគ្រប់ដៃព័ទ្ធវាយទើបពួកខ្លួនទាញកាំបិតប៉័ងតោដើម្បីការពារខ្លួនប៉ុណ្ណោះ ។
ដោយឡែកភាគីម្ខាងទៀតបានប្រាប់ប៉ូលិសថា ពួកគេកំពុងលេងបាល់ដោយមិនដឹងខ្លួនស្រាប់តែឃើញឈ្មោះឈឿន វាសនា និងឈ្មោះសុខ ដា ព្រមទាំងបក្សពួកមួយចំនួនទៀតជិះម៉ូតូទៅដល់ហើយសូរពួកខ្លួនថាជាអ្នកវាយប្អូនប្រុសរបស់ គេឬ? ពេលនោះពួកខ្លួនបានបដិសេធថា អត់បានវាយទេ ក៏ស្រាប់តែបក្សពួករបស់ជនទាំងនោះដកខ្សែក្រវាត់ក្បាលដែកវាយមកលើពួកខ្លួនព្រមទាំងយកកា ំបិតប៉័ងតោគំរាមថែមទៀតទើបមានការតតាំងគ្នាកើតឡើង ម្យ៉ាងទៀតអ្នកដៃដល់សុទ្ធតែបានរត់គេចខ្លួនបាត់អស់ ។ ទាក់ទិននឹងករណីនេះមន្ត្រីប៉ូលិសនិយាយថា ពួកគេសុទ្ធតែប្រកែកយកត្រូវរៀងៗខ្លួន តាមពិតពួកគេសុទ្ធតែមានកំហុសដូចគ្នាបន្តិចម្នាក់ទើបឈានទៅដល់ការទាស់ទែងគ្នាបែបនេះ ហើយពេលនេះអាណាព្យាបាលទាំងសងខាងសុទ្ធតែខ្លាំងមិនចេះសំរបសំរួលគ្នា និងចង់ប្តឹងទារសំណងជំងឺចិត្តពីគ្នាទៅវិញទៅមកទៀត ដូច្នេះហើយទើបលោកអធិការបានបញ្ជាឱ្យឃុំខ្លួនទាំងសងខាងដើម្បីធ្វើការអប់រំតែម្តង ៕