រាជធានីភ្នំពេញ ៖ ក្នុងចំណោមខណ្ឌទាំង៨របស់រាជធានីសំរាប់ខណ្ឌ៧មករា ដែលស្ថិតនៅចំកណ្តាលរាជធានីត្រូវបានគណៈបញ្ជាការឯកភាពខណ្ឌដឹកនាំកំលាំងធ្វើការត្រួត ពិនិត្យអាវុធជាតិផ្ទុះ និងផ្ទុកជាតិអាល់កុលជាប្រចាំ់។ ជាក់ស្តែង ក្នុង១សប្តាហ៍បានធ្វើកិច្ចការនេះ៣ថ្ងៃ និងតំរូវអនុវត្តរាល់ពេលយប់ដោយប្រើប្រាស់កំលាំងនគរបាលជាតិខណ្ឌកងរាជអាវុធហត្ថ និងមន្ត្រីសាលាខណ្ឌក្រោមការដឹកនាំរបស់លោកអនុសេនីយ៍ឯកឡុង សាវុធ អធិការរងនគរបាលខណ្ឌ។ លោកអនុសេនីយ៍ឯក ឡុង សាវុធ បានឱ្យដឹងថា យោងលើកិច្ចប្រជុំប្រចាំសប្តាហ៍របស់ស្នងការដ្ឋាននគរបាលរាជធានីភ្នំពេញ ក៏ដូចជាគណៈបញ្ជាការឯកភាពខណ្ឌ តំរូវឱ្យកងកំលាំងក្នុងគណៈបញ្ជាការឯកភាពត្រួតពិនិត្យអាវុធជាតិផ្ទុះ និងអ្នកផ្ទុកដោយជាតិអាល់កុលពេលយប់ដើម្បីជាការរួមចំណែកកាត់បន្ថយបទល្មើស លួច ឆក់ ប្លន់ និងបង្កឱ្យគ្រោះថ្នាក់ ឬបាត់បង់អាយុជីវិត ដោយសារអ្នកបើកបរស្ថិតក្នុងស្ថានភាពស្រវឹង។ ផ្អែកតាមបទបញ្ជានេះលោកវរសេនីយ៍ត្រី យិន សាន អធិការនគរបាលខណ្ឌ បែងចែកកំលាំងក្នុងគណៈបញ្ជាការដាក់តាមចំណុចគោលដៅធ្វើការត្រួតពិនិត្យស្វែងរកបទល្ មើស។
លោកឡុង សាវុធ បានឱ្យដឹងទៀតថា ក្នុង១យប់ៗបានរកឃើញ ឬក៏ចាត់ទុកថា អ្នកមានជាតិអាល់កុលបណ្តាលមកពីសេពសុរាឆ្លងកាត់មិនក្រោមពី ២០នាក់ទេ ហើយក៏មិនមែនមានតែបុរសដែរ ស្ត្រីក៏មានដូចគ្នា។ ដូចជានៅយប់ថ្ងៃទី២២ ធ្នូ គណៈបញ្ជាការឯកភាពដាក់គោលដៅត្រួតពិនិត្យនៅតាមបណ្តោយមហាវិថីកម្ពុជាក្រោម ឆែកឆេររកឃើញអ្នកមានជាតិអាល់កុលចំនួន១៣នាក់ ក្នុងនោះមានស្ត្រីម្នាក់ ដោយតំរូវឱ្យផ្លុំប្រដាប់សំរាប់វាស់ ហើយ៨នាក់បានអប់រំ និងឱ្យមានអ្នកធានាធ្វើកិច្ចសន្យាវិលត្រឡប់ទៅវិញ ២នាក់ត្រូវពិន័យជាប្រាក់ និង៣នាក់មានជាតិអាល់កុលតិចតួច រួចផុតពីការពិន័យ។ រថយន្តបិទកញ្ចក់ខ្មៅចំនួន១០គ្រឿង ត្រូវបានឃាត់បកចេញ អ្នកជិះម៉ូតូអត់ពាក់មួកការពារសុវត្ថិភាព និងមិនដាក់កញ្ចក់មើលក្រោយចំនួន២៥គ្រឿងត្រូវពិន័យ។ លោកឡុង សាវុធ បន្តថា ការត្រួតពិនិត្យជាតិអាល់កុលតំរូវឱ្យអ្នកហូបជាតិសុរាមានផ្ទុកជាតិអាល់កុលចាប់ពី០.២៥ដល ់៣០ (លេខប្រដាប់វាស់ជាតិអាល់កុល) ពិន័យជាប្រាក់៦.០០០រៀល ចំពោះអ្នកជិះម៉ូតូ ឯអ្នកបើកបររថយន្តប្រភេទទេសចរណ៍១២.០០០រៀល រថយន្តធុនធំដឹកទំនិញ២៥.០០០រៀល។ ចាប់ពី០.៥០ឡើងទៅត្រូវឃាត់ខ្លួន បើបង្កឱ្យមានគ្រោះថ្នាក់ដល់អ្នកដទៃ នឹងត្រូវកសាងសំណុំរឿងបញ្ជូនទៅតុលាការ។
លោកឡុង សាវុធ បញ្ជាក់ថា គណៈបញ្ជាការធ្វើឡើងនេះមិនទាន់ពាក់ព័ន្ធដល់ប្រជាពលរដ្ឋដែលចេញពីហូបការ មានជាតិអាល់កុលនៅឡើយទេ ព្រោះការធ្វើនេះនៅវេលាយប់ជ្រៅ ដូច្នេះប៉ះពាល់តែបងប្អូនដែលពេញនិយមចូលបារ ខារ៉ាអូខេ ប៉ុណ្ណោះ។ បងប្អូនទាំងនោះពេលចេញពីសប្បាយមកវិញច្រើនតែចងកំហឹងជាមួយរបាំងថ្មចែកទ្រូងផ្លូវរបស់សា លារាជធានីភ្នំពេញ បង្គោលភ្លើង ដើមឈើ ឬបោលចូលផ្ទះប្រជាពលរដ្ឋ។ ចាប់តាំងពីគណៈបញ្ជាការឯកភាពរាជធានីភ្នំពេញបង្កើតឱ្យមានកម្មវិធីត្រួតពិនិត្យជាតិអាល់ កុលមក ប្រជាពលរដ្ឋភាគច្រើនបានគោរព តែនៅមានមួយចំនួនតូចភ្លេចគិតថា ខ្លួនស្រវឹងនៅពេលបើកបរ៕