នៅរសៀលថ្ងៃទី ១១វិច្ឆិកានេះ នៅវិមានឯករាជ្យនឹងមានប្រារព្ធព្រះរាជពិធីពន្លត់ទៀនជ័យ បញ្ចប់ពិធីបុណ្យជាតិ អបអរខួបអនុស្សាវរីយ៍ខួបលើក ទី៥៩ នៃទិវាបុណ្យឯករាជ្យជាតិ។
ក្នុងពិធីខាងលើនេះ សម្តេចអគ្គមហាពញាចក្រី ហេង សំរិន ប្រធានរដ្ឋសភា ជាព្រះរាជតំណាងដ៏ខ្ពង់ខ្ពស់របស់ ព្រះករុណា ព្រះបាទនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នឹងធ្វើការពន្លត់ទៀតជ័យ នៅវិមានឯករាជ្យ ដែលត្រូវបានប្រទានភ្លើងជ័យកាលពីថ្ងៃទី ៩វិច្ឆិកា ឆ្នាំ២០១២ ដើម្បីបញ្ចប់ពិធីបុណ្យជាតិ អបអរខួបអនុស្សាវរីយ៍ខួបលើក ទី៥៩ ទិវាបុណ្យឯករាជ្យជាតិ ៩វិច្ឆិកាឆ្នាំ ១៩៥៣ - ៩វិច្ឆិកា ២០១២។
ទិវាបុណ្យឯករាជ្យជាតិ នេះ ត្រូវបានប្រព្រឹត្តទៅរយៈពេលបីថ្ងៃ ដែលថ្ងៃទីមួយមានព្រះរាជពិធីប្រទានភ្លើងជ័យ គឺថ្ងៃ៩-វិច្ឆិកា និងបញ្ចប់នៅថ្ងៃទី១១ ខែវិច្ឆិកា ឆ្នាំ២០១២ ជាថ្ងៃព្រះរាជពិធីពន្លត់ភ្លើងជ័យ។
គួររំលឹកថា មុនកិច្ចប្រារព្ធពិធីផ្លូវការ សម្រាប់ឆ្នាំនេះ ក្រសួង ស្ថាប័ន សាលារាជធានីភ្នំពេញ សាលាខណ្ឌទំាង៩ បានដឹកនាំប្រតិភូរបស់ស្ថាប័នរៀងខ្លួន យកកំរងផ្កា ទៅដាក់នៅវិមានឯករាជ្រមួយថ្ងៃមុនគឺ កាលពីរសៀលថ្ងៃទី០៨ ខែវិច្ឆិកា នេះផងដែរ៕
ដោយ ៖ សីហាប្រភព ៖ PP