រាជធានីភ្នំពេញ ៖ លោកអ៊ាង សុផលែ្លត ជំនួយការសមេ្តចតេជោនាយករដ្ឋមន្រ្តីហ៊ុន សែន ប្រាប់ឱ្យដឹងថា លោក CHRISTIAN CONNAN ឯកអគ្គរដ្ឋទូតថ្មីនៃសាធារណរដ្ឋបារាំងប្រចាំនៅព្រះរាជាណាចក្រកម្ពុជាបានជំរាបជូនសមេ្ត ចតេជោនាយករដ្ឋមន្រ្តីថា លោកមានមោទនភាព និងសប្បាយរីករាយយ៉ាងខ្លាំងដែលបានមកបំពេញបេសកម្មការទូតនៅព្រះរាជាណាចក្រកម្ពុជា ។ លោកនឹងបន្តរាល់កិច្ចការទាំងឡាយដែលលោករដ្ឋមន្រ្តីការបរទេសបារាំងនិងរដ្ឋមន្រ្តី ការបរទេសកម្ពុជាបានចុះហត្ថលេខាឲ្យរូបលោកយកកិច្ចព្រមពៀងនោះ ដើម្បីធ្វើជាបន្ទាត់នៃការងាររបស់លោកនៅក្នុងព្រះរាជាណាចក្រកម្ពុជា ក្នុងន័យពង្រីកកិច្ចសហប្រតិបត្តិការទាំងវិស័យនយោបាយ សេដ្ឋកិច្ចនិងវិស័យដទៃទៀតដែលមានស្រាប់កន្លងមក ។
លោកអ៊ាង សុផលែ្លត ប្រាប់ឲ្យដឹងបែបនេះនាព្រឹកថ្ងៃទី២១ ធ្នូ ឆ្នាំ២០១០ នៅវិមានសន្តិភាពនៃទីស្តីការនាយករដ្ឋមន្រ្តីក្នុងឱកាសដែលលោក CHRISTIAN ចូលជួបសំដែងការគួរសមជាមួយសមេ្តចតេជោនាយករដ្ឋមន្រ្តី ខណៈលោកត្រូវតែងតាំងជាឯកអគ្គរដ្ឋទូតវិសាមញ្ញ និងពេញសមត្ថភាពប្រចាំនៅកម្ពុជា ។ លោកឯកអគ្គរដ្ឋទូតក៏បានជំរាបសមេ្តច តេជោនាយករដ្ឋមន្រ្តីអំពីការវិវត្តនៃកិច្ចសហប្រតិបត្តិការលើវិស័យសេដ្ឋកិច្ចជាមួយកម្ពុជា គឺកិច្ចសហប្រតិបត្តិការក្នុងការនាំផលិតផលកសិកម្មពីកម្ពុជាគឺអង្ករកម្ពុជាទៅកាន់ប្រទេសបារាំងនិងការចា ប់អារម្មណ៍របស់ក្រុមហ៊ុនបារាំងទៅលើប្រព័ន្ធទូរគមនាគមន៍កម្ពុជា ។
ជាការឆ្លើយតប សមេ្តចតេជោនាយករដ្ឋមន្រ្តីហ៊ុន សែន បានស្វាគមន៍ និងអបអរសាទរ ចំពោះលោក CHRISTIAN ដែលត្រូវបាន តែងតាំងជាឯកអគ្គរដ្ឋទូតវិសាមញ្ញ និងពេញសមត្ថភាពនៅព្រះរាជាណាចក្រកម្ពុជា ។ សមេ្តច បានស្វាគមន៍នូវអ្វីដែលលោកឯកអគ្គរដ្ឋទូតបានលើកឡើងក្នុងន័យយកចិត្តទុកដាក់ពង្រឹង និងពង្រីកកិច្ចសហប្រតិបត្តិការជាមួយកម្ពុជាក៏ដូចជាក្នុងវិស័យសេដ្ឋកិច្ច ពិសេសការនាំអង្ករចេញពីកម្ពុជាទៅប្រទេសបារាំង ។
សមេ្តចមានប្រសាសន៍ថាវិស័យកសិកម្ម គឺជាវិស័យសំខាន់ជាវិស័យអាទិភាពរបស់កម្ពុជា ។ កម្ពុជាមិនត្រឹមតែចង់បានការនាំអង្ករ ចេញពីកម្ពុជាទៅប្រទេសក្រៅទេ កម្ពុជាចង់បានអ្នកវិនិយោគមកកែច្នៃផលិតផលកសិកម្ម ហើយនាំចេញតែម្តង ។ ក្នុងន័យនេះ សមេ្តចបានជំរាបលោកឯកអគ្គរដ្ឋទូតបារាំងថាកម្ពុជាមានមហិច្ឆតាចង់ក្លាយជាប្រទេសនាំអង្ករចេញទី៣ ឬទី៤នៅក្នុងពិភពលោក ព្រោះថា កម្ពុជានៅមានសក្តានុពលយ៉ាងច្រើនដែលអាច
ជំរុញការដាំ់ដុះ និងបង្កើនផលិតផលអង្ករសំរាប់នាំចេញ ។ ពាក់ព័ន្ធនឹងគោលបំណងរបស់ក្រុមហ៊ុនទូរគមនាគមន៍បារាំងដែលចង់មកវិនិយោគនៅកម្ពុជានោះ សមេ្តចបានមានប្រសាសន៍ជូនពរឲ្យមានការចរចាប្រកបដោយជោគជ័យជាមួយនឹងក្រុមហ៊ុនឯកជននៅកម្ពុជា ។
បន្ទាប់ពីបានស្វាគមន័និងសំដែងការគួរសមជាមួយលោក CHRISTIAN CONNAN រួចមក នៅព្រឹកថ្ងៃដដែលសមេ្តចតេជោនាយករដ្ឋមន្រ្តី ហ៊ុន សែន ក៏បានទទួលជួបលោក U WIN SHIEN ឯកអគ្គរដ្ឋទូតមីយ៉ាន់ម៉ាចូលជំរាបលាក្នុងឱកាសដែលលោកបញ្ចប់បេសកកម្មការទូតនៅកម្ពុជា ។ លោកឯកអគ្គរដ្ឋទូតបានថ្លែងអំណរគុណយ៉ាងជ្រាលជ្រៅចំពោះសមេ្តចតេជោនាយករដ្ឋមន្រ្តី ហ៊ុន សែន រាជរដ្ឋាភិបាលកម្ពុជាមន្រ្តីរាជការកម្ពុជាទាំងអស់ដែលបានជួយគាំទ្របេសកកម្មការទូតរបស់លោកនៅកម្ព ុជា បានទទួលជោកជ័យ ជាពិសេសការណែនាំរបស់សមេ្តចតេជោនាយករដ្ឋមន្រ្តីធ្វើឲ្យបេសកកម្មការទូតរបស់លោកនៅកម្ពុជាមានការងាយស្រ ួល និងដំណើរការទៅបានរលូនល្អប្រសើរ ។
លោកមានប្រសាសន៍ថា លោកបានសងេ្កតឃើញការរីកចំរើនលូតលាស់ ការអភិវឌ្ឍរបស់កម្ពុជាយ៉ាងឆាប់រហ័សនៅលើឆាកជាតិ និងលើឆាកអន្តរជាតិ ។ ក្នុងន័យនេះលោកសូមអបអរសាទរជូនចំពោះសមេ្តចតេជោនាយករដ្ឋមន្រ្តីហ៊ុន សែន ក៏ដូចជារដ្ឋាភិបាលទាំងមូល ។ សន្តានចិត្តដ៏ល្អរបស់ប្រជាជនកម្ពុជា លោកនឹងពាំនាំនូវសន្តានចិត្តនេះជំរាបជូនប្រជាជនមីយ៉ាន់ម៉ា ដើម្បីឲ្យបានយល់ដឹង ។ ជាការឆ្លើយតបសមេ្តចតេជោនាយករដ្ឋមន្រ្តី ហ៊ុន សែន បានថ្លែងអំណរគុណចំពោះ លោក U WIN SHIEN ដែលបានប្រឹង ប្រែង អស់ពីចិត្តនៅពេលដែលលោកបំពេញការទូតនៅព្រះរាជាណាចក្រកម្ពុជា ក្នុងនោះបានរៀប ចំឲ្យលោកនាយករដ្ឋមន្រ្តីមីយ៉ាន់ម៉ាបានមកចូលរួមកិច្ចប្រជុំ CLMV ACMEC និងការងារជាច្រើនទៀតក្នុងន័យពង្រឹង និងពង្រីកកិច្ចសហប្រតិបត្តិការរវាងប្រទេសយើងទាំងពីរ ។ សមេ្តចតេជោនាយករដ្ឋមន្រ្តីបានថ្លែងអំណរ គុណនិងជូនពរឲ្យលោក U WIN SHIEN បានទទួលជោគជ័យជាបន្តទៀតនៅក្នុងបេសកកម្មការទូតរបស់លោកនៅប្រទេសអ៊ីតាលី ៕