រាជធានីភ្នំពេញ ៖ សមាគមអតីតនិស្សិតខ្មែររៀននៅប្រទេសជប៉ុនបានរៀបចំពិធីលៀងសាយភោជន៍បូណេនកៃឆ្នាំ២០ ១០ នៅសណ្ឋាគារភ្នំពេញកាលពីថ្ងៃទី១៦ ធ្នូ ក្រោមអធិបតីភាពលោកជំទាវម៉ែន សំអន ឧបនាយករដ្ឋមន្ត្រីប្រចាំការ។ លោកជំទាវម៉ែន សំអន បានថ្លែងថា ពិធីបូណេនកៃ ដែលត្រូវបានរៀបចំឡើងជាលើកទី២នាពេលនេះគួរបន្តឱ្យមាននាឆ្នាំបន្ទាប់ៗទៀត ព្រោះពិធីនេះមិនត្រឹមតែផ្តល់ឱកាសឱ្យមានការជួបជុំគ្នាក្នុងចំណោមអតីតនិស្សិតខ្មែរដែលធ ្លាប់បានទៅសិក្សានៅប្រទេសជប៉ុនប៉ុណ្ណោះទេ ប៉ុន្តែថែមទាំងបានបង្កើតជាវេទិកាជួបជុំគ្នារវាងតំណាងរាជរដ្ឋាភិបាលនៃព្រះរាជាណាចក្រ កម្ពុជា និងតំណាងស្ថានទូតជប៉ុនប្រចាំព្រះរាជាណាចក្រកម្ពុជា តំណាងការិយាល័យប្រចាំនៅកម្ពុជានៃទីភ្នាក់ងារអភិវឌ្ឍន៍អន្តរជាតិជប៉ុន(JICA) តំណាងចេតត្រូ(JETRO) តំណាងសមាគមធុរកិច្ចជប៉ុននៅកម្ពុជា និងសហគមន៍ជនជាតិជប៉ុននៅព្រះរាជាណាចក្រកម្ពុជាផងដែរ។ ខ្ញុំនៅចាំបានថា ពិធីលៀងសាយភោជន៍នាឆ្នាំ២០០៩កន្លងមក មានបរិយាកាសពោរពេញទៅដោយភាពរីករាយស្និទ្ធស្នាលរាក់ទាក់ ព្រមទាំងបានបង្កើតនូវបណ្តាញទំនាក់ទំនង និងការចែករំលែកព័ត៌មានពីគ្នាទៅវិញទៅមកយ៉ាងផុលផុស។
ជាក់ស្តែងតាមរយៈរបាយការណ៍របស់លោកហេង សួរ ប្រធានសមាគមដែលបានថ្លែងមុននេះយើងសង្កេតឃើញថា ចំនួនអតីតនិស្សិតខ្មែរដែលធ្លាប់ទៅសិក្សានៅប្រទេសជប៉ុនដែលអាចទំនាក់ទំនងគ្នាបានមានការ កើនឡើងពីចំនួន១៧២នាក់នាឆ្នាំចាស់ដល់៣២១នាក់ នាឆ្នាំថ្មីនេះ ហើយចំនួនភ្ញៀវកិត្តិយសជប៉ុនដែលអញ្ជើញចូលរួមនាថ្ងៃនេះក៏មានចំនួនច្រើនជាងឆ្នាំ២០០៩កន្ លងមក ជាពិសេសភ្ញៀវកិត្តិយសធុរកិច្ចជនជប៉ុន។ ខ្ញុំសង្ឃឹមថា ការជួបជុំនាឆ្នាំនេះនឹងរឹតតែបង្កឱ្យមានភាពរីករាយស្និទ្ធស្នាល និងការចែករំលែកព័ត៌មានរវាងគ្នា ព្រមទាំងចូលរួមចំណែកក្នុងការជួយពង្រឹងនូវចំណងមិត្តភាពរវាងប្រជាជនកម្ពុជា និងប្រជាជនជប៉ុន។
ក្នុងនាមរាជរដ្ឋាភិបាល និងប្រជាជនកម្ពុជា ខ្ញុំសូមថ្លែងអំណរគុណដោយស្មោះ និងវាយតំលៃខ្ពស់ចំពោះរដ្ឋាភិបាល និងប្រជាជនជប៉ុនដែលជានិច្ចកាលតែងតែផ្តល់ការឧបត្ថម្ភគាំទ្រ ទាំងផ្នែកបច្ចេកទេស និងហិរញ្ញវត្ថុយ៉ាងច្រើនសន្ធឹកសន្ធាប់មកដល់កម្ពុជាក្នុងដំណើរការកសាងសន្តិភាព បង្រួបបង្រួមជាតិ ស្តារ និងអភិវឌ្ឍហេដ្ឋារចនាសម្ព័ន្ធនានា រួមទាំងការអភិវឌ្ឍធនធានមនុស្សផងដែរ។ ជប៉ុនជាប្រទេសអភិវឌ្ឍដែលប្រកាន់និន្នាការសេដ្ឋកិច្ចទីផ្សារសេរីមុនគេដែលបានផ្តល់អាហា រូបករណ៍ដល់សិស្ស និស្សិតកម្ពុជា ក្រោយពេលដែលប្រទេសកម្ពុជាចុះកិច្ចព្រមព្រៀងសន្តិភាពទីក្រុងបារីស។ គិតពី ឆ្នាំ១៩៩២ដល់ឆ្នាំ២០១០នេះមានសិស្ស និងនិស្សិតខ្មែរជាង១.៥០០នាក់បាននិងកំពុងសិក្សានៅប្រទេសជប៉ុន។ វត្តមានអតីត និស្សិតខ្មែរដែលបានទទួលអាហារូបករណ៍ទៅសិក្សានៅប្រទេសជប៉ុននៅទីនេះនាថ្ងៃនេះជាសក្ខីកម្ មមួយក្នុងចំណោមសមិទ្ធផលជាច្រើននៃការចូលរួមចំណែករបស់រដ្ឋាភិបាល និងប្រជាជនជប៉ុន។
ដោយមានការឈ្វេងយល់យ៉ាងច្បាស់អំពីតួនាទី និងសារសំខាន់នៃធនធានមនុស្សក្នុងការលើកកំពស់នូវប្រសិទ្ធភាព ផលិតភាព រក្សាភាពប្រកួតប្រជែង ស្រូបយកនូវបច្ចេកវិទ្យាថ្មី និងទាក់ទាញវិនិយោគបរទេសដើម្បីរក្សាកំណើនសេដ្ឋកិច្ច និងកាត់បន្ថយភាពក្រីក្រនោះរាជរដ្ឋាភិបាលកម្ពុជាដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុខបានចាត់ទុកការអភិវឌ្ឍធនធានមនុស្សជាវិស័យដែលមានអាទិភាពខ្ពស់ដូចដែលបានរំលេចឡ ើងក្នុងយុទ្ធសាស្ត្រចតុកោណដើម្បីកំណើនការងារ សមធម៌ និងប្រសិទ្ធភាពនៅកម្ពុជាដំណាក់កាលទី២ និងផែនការយុទ្ធសាស្ត្រអភិវឌ្ឍន៍ជាតិបច្ចុប្បន្នកម្មឆ្នាំ២០០៩-២០១៣។ រាជរដ្ឋាភិបាលកម្ពុជាមានការពេញចិត្តចំពោះចំណេះដឹង ចំណេះធ្វើ និងការយល់ដឹងអំពីវប្បធម៌ជប៉ុនរបស់អតីតនិស្សិតខ្មែរពី ប្រទេសជប៉ុនដែលកំពុងបំរើការក្នុងរាជរដ្ឋាភិបាល ក្នុងផ្នែកឯកជន ក្នុងអង្គការជាតិ និងអន្តរជាតិនានា។ អតីតនិស្សិតទាំងនេះគឺជាស្ពានមួយក្នុងការជួយចំលងទំនាក់ទំងរវាងប្រជាជនព្រមទាំងវប្បធម៌ របស់កម្ពុជា និងជប៉ុន និងជាស្ពានសំរាប់វិនិយោគិន និងទេសចរជប៉ុនមកកម្ពុជា។ ខ្ញុំសង្ឃឹមថា នាថ្ងៃអនាគតនៅពេលដែលអតីតនិស្សិតកាន់តែមានចំនួនកើនឡើង សមាគមអតីតនិស្សិតខ្មែរពីប្រទេសជប៉ុននឹងចូលរួមចំណែកកាន់តែសកម្មថែមទៀតក្នុងការប្រមូលផ ្តុំធនធាន និងសំរបសំរួលកិច្ចការនានាជួយដល់ធុរជន និងនិយោជកជប៉ុននៅកម្ពុជា។
លោកជំទាវបន្តថា ជាមួយនឹងសមិទ្ធផលជាច្រើនដែលសមាគមបានសំរេចកន្លងមក ខ្ញុំសូមឱ្យសមាគមបន្តខិតខំឱ្យបានខ្លាំងក្លាដើម្បីសំរេចបាននូវស្នាដៃថ្មីៗបន្ថែម ទៀត និងសូមលើកទឹកចិត្តសមាគមឱ្យខិតខំរៀបចំបំពេញឱ្យបាននូវលក្ខណៈតំរូវនានាដើម្បីធ្វើជាម្ ចាស់ផ្ទះសំរាប់កិច្ចប្រជុំប្រចាំឆ្នាំរបស់អភិបាលនៃក្រុមប្រឹក្សាអាស៊ាននៃសមាគមអតីតនិស្ សិតមកពីប្រទេសជប៉ុនក្នុងឆ្នាំ២០១២ និងធ្វើជាម្ចាស់ផ្ទះសន្និសីទរបស់ក្រុមប្រឹក្សាអាស៊ាននៃសមាគមអតីតនិស្សិតមកពីប្រទេសជប៉ ុនក្នុងឆ្នាំ២០១៤ខាងមុខនេះឱ្យទទួលបានជោគជ័យ។ ឆ្លៀតឱកាសនេះតាងនាមរាជរដ្ឋាភិបាលកម្ពុជា ខ្ញុំសូមអំពាវនាវផងដែរដល់តំណាងស្ថានទូតជប៉ុន ទីភ្នាក់ងារសហប្រតិបត្តិការអន្តរជាតិប្រទេសជប៉ុន ចេតត្រូ សមាគមធុរកិច្ចជប៉ុននៅកម្ពុជា ជេបេក ព្រមទាំងតំណាងក្រុមហ៊ុនជប៉ុនទាំងអស់ដែលមានវត្តមាននាថ្ងៃនេះមេត្តាជួយផ្សព្វផ្សាយអំព ីឱកាសវិនិយោគប្រកបដោយភាពទាក់ទាញរបស់កម្ពុជាដល់វិនិយោគិនជប៉ុន សូមឱ្យចូលមកវិនិយោគនៅកម្ពុជាបន្ថែមទៀត។ ខ្ញុំជឿជាក់ថា តំណាងក្រុមហ៊ុនជប៉ុនដែលបានវិនិយោគនៅកម្ពុជាបច្ចុប្បន្ន គឺជាអ្នកនាំពាក្យដ៏សំខាន់សំរាប់ផ្តល់ព័ត៌មានអំពីស្ថានភាពពិតជាក់ស្តែងនៅកម្ពុជា ហើយអតីតនិស្សិតខ្មែរពីប្រទេសជប៉ុនអាចមានចំណេះដឹងផ្នែកភាសាជប៉ុន វប្បធម៌ ទំនៀមទំលាប់ និងឥរិយាបថការងារដែលបង្កលក្ខណៈងាយស្រួលសំរាប់ប្រតិបត្តិការរបស់ក្រុមហ៊ុនជប៉ុននៅកម្ពុ ជា។ ដូច្នេះធុរជនជប៉ុនទាំងអស់អាចប្រើប្រាស់ប្រភពធនធាននេះឱ្យអស់លទ្ធភាពក្នុងការទាញយកផលព ីឱកាសវិនិយោគនៅកម្ពុជា។
លោកហេង សួរ ប្រធានសមាគមអតីតនិស្សិតខ្មែរពីប្រទេសជប៉ុនបានថ្លែងថា តាមកាលប្រវត្តិរដ្ឋាភិបាលជប៉ុនបានប្រកាសផ្តល់អាហារូបករណ៍ជាថ្មីដល់កម្ពុជានៅឆ្នាំ១៩៩២ ហើយនៅខែមេសា ឆ្នាំ១៩៩៣ និស្សិតខ្មែរមួយក្រុមដំបូងបានចេញដំណើរទៅសិក្សានៅប្រទេសជប៉ុនក្រោយពីឆ្លងកាត់ការជ្រើសរ ើសអស់រយៈពេលជាង៦ខែ។ ចាប់ពីពេលនោះមកដល់ឆ្នាំ២០១០នេះមាននិស្សិតខ្មែរមិនតិចជាង១.៥០០នាក់ឡើយដែលបាននិងកំពុ ងសិក្សានៅប្រទេសជប៉ុនតាមរយៈអាហារូបករណ៍រដ្ឋាភិបាលជប៉ុនអាហារូបករណ៍របស់អង្គការអន្តរជ ាតិនានា និងតាមរយៈហិរញ្ញប្បទានផ្ទាល់ខ្លួន។ ទន្ទឹមគ្នានេះផងដែរមានអតីតនិស្សិតខ្មែរប្រមាណ៥៥០នាក់បាននិវត្តន៍មកកម្ពុជាវិញ ហើយក្នុងចំណោមអ្នកដែលបាននិវត្តន៍មកវិញគឺមានប្រហែល៦០%កំពុងបំពេញការងារនៅក្នុងជួររាជ រដ្ឋាភិបាល ២០% កំពុងបំរើការងារនៅ តាមអង្គការជាតិ អន្តរជាតិ និងសង្គមស៊ីវិល ឬជាសាស្ត្រាចារ្យតាមគ្រឹះស្ថានអប់រំនានា ១០% ប្រកបរបរអាជីវកម្មផ្ទាល់ខ្លួន និង១០%បំរើការងារនៅក្នុងវិស័យឯកជន ៕