ព័ត៌មានអន្តរជាតិ ៖ ក្រុមមនុស្ស ៨ នាក់បានស្លាប់បាត់បង់ជីវិត យ៉ាងអណោចអធម ក្នុងនោះ មានក្មេងតូច ៤ នាក់ ក្រោយរថយន្តចម្លែក ធន់ធំ (Monster Truck) មួយគ្រឿង បាត់បង់ម្ចាស់ការណ៍ និងបើកកិនក្រុមនុស្សដែលជាទស្សនិកជន ចូលរួមមើលកម្មវិធីសម្តែង ទាំងកម្រោលនេះបើយោងតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេសនាំមុខ CNN ។
ប្រភពសារព័ត៌មានដដែលបន្ថែមថា ករណីគ្រោះថ្នាក់ ដ៏គួរអោយរន្ធត់មួយនេះ បានកើតឡើងកាលពីថ្ងៃអាទិត្យម្សិលមិញនេះ នៅឯកម្មវិធីបង្ហាញសមត្តភាពប្លែកៗ Extremo Aeroshowនៅរដ្ឋ Chihuahua ភាគខាងជើងប្រទេសម៉ិចសិក ។ លើសពីនេះ ភ្នាក់ងារសារព័ត៌មានរដ្ឋCesar Duarte បានចេញផ្សាយកាលពីថ្ងៃអាទិត្យអោយដឹងថា អ្វីដែលនឹកស្មានមិនដល់នោះគឺថា បុរសជាអ្នកបើករថយន្តចម្លែក ធន់ធំ មួយគ្រឿងនោះ បានសេពគ្រឿងស្រវឹងមុននឹងបើកឡាន បង្កជាគ្រោះថ្នាក់ដ៏គួរអោយរន្ធត់មួយនេះ។
វីដេអូគ្រោះថ្នាក់មួយនេះ ត្រូវបានគេមើលឃើញថា រថយន្តចម្លែក ធន់ធំពណ៌ក្រហមមួយគ្រឿងនោះ បានស្ទុះបើកទៅបុក និងកិនលើក្រុមមនុស្សជាទស្សនិកជនទាំងកម្រោល បន្ទាប់ពី បាត់បង់ម្ចាស់ការ ក្រោយពីបើកសម្តែងសមត្ថភាពឆ្លងកាត់ឧបសគ្គ ។ យ៉ាងណាមិញលោក Marco Quezada Martinez ជាចៅហ្វាយក្រុងនេះផ្ទាល់ បានបញ្ជាអោយមានការតាមដានស៊ើបអង្កេត និងផ្អាកកម្មវិធីនោះភ្លាមៗ ក្រោយពីទទួលបានព័ត៌មានមួយនេះ។
បន្ថែមពីលើនេះ បើយោងតាមគេហទំព័រ របស់កម្មវិធីសម្តែងនេះផ្ទាល់តែម្តង បានគូសបញ្ជាក់អោយដឹងថា នៅក្នុងកម្មវិធីសម្តែងលើកនេះ នៅក្នុងនោះរួមមានការសម្តែងដូចជាerobatics, skydiving, hot air ballooning, motorcycles, fireworks និង monster trucksជាដើម ៕
* ព័ត៌មានអន្តរជាតិ ដ៏គួរអោយចាប់អារម្មណ៍ផ្សេងទៀត មាននៅខាងក្រោម ៖
- ចិន ប្រកាសអាសន្ន ខណៈប្រឈម នឹងរលកយក្សស៊ូណាមិ កំពស់ដល់ទៅ ២០ ម៉ែត្រ (មានវីដេអូ)
- លេចធ្លាយ រូបភាពបុរសម្នាក់ រងរបួសយ៉ាងដំណំ ក្រោយមានជម្លោះរវាងក្រុម ម៉ូតូធំ និងរថយន្ត Range Rover
- បុរសម្នាក់ ត្រូវបានចាប់ឃាត់ខ្លួន ក្រោយមានជម្លោះរវាងក្រុម ម៉ូតូធំ និងរថយន្ត Range Rover
- វីដេអូល្បីពេញអ៊ិនធើណេត ក្រុមម៉ូតូធំ ព្រួតវាយរថយន្តទំនើប Range Rover
- កំពូលគូស្នេហ៍ចម្លែក ៖ បែកគំនិតទៅសិច នៅលើផ្លូវរថភ្លើង មា្នក់ស្លាប់ ម្នាក់របួសធ្ងន់
- ក្រុមមនុស្ស មានភាពភ្ញាក់ផ្អើល ខណៈបានឃើញ ដុំភ្លើងពណ៌ខៀវចម្លែក នាពាក់កណ្តាលអាធ្រាត្រ (មានវីដេអូ)
ដោយ ៖ កុសលប្រភព ៖ cnn & ស្កាយ