ព័ត៌មានអន្តរជាតិ ៖ ថ្ងៃពុធនេះ រដ្ឋាភិបាល ប្រទេស កូរ៉េខាងត្បូង ធ្វើសេចក្តីប្រកាស អោយដឹងថា មានករណីឆ្លងវីរុស Mers ៨ នាក់បន្ថែមទៀតហើយ ខណៈ វីរុសផ្លូវដង្ហើម ប្រភេទនេះ បានវាយប្រ ហារសម្លាប់ ពលរដ្ឋកូរ៉េខាងត្បូង ម្នាក់ទៀតហើយ នាំ អោយ តួរលេខ អ្នកស្លាប់ដោយវីរុស Mers សរុបកើនឡើងដល់ ២០ នៅថ្ងៃពុធនេះ ចាប់តាំងពីមានការផ្ទុះឡើងនូវ វីរុសMersអំឡុងខែឧសភា
សេចក្តីរាយការណ៍ បញ្ជាក់អោយដឹងថា តួរលេខសរុបនៃពលរដ្ឋកូរ៉េខាងត្បូង ឆ្លងវីរុស Mers កើន ឡើងសរុប ១៦២ នាក់ហើយ ខណៈតួរលេខមួយនេះ មាន ការ កើនឡើងខ្ពស់បំផុត បន្ទាប់ពីដីកំ ណើតវីរុស Mers ពីអារ៉ាប់ ប៊ីសាអ៊ូឌីដ តំបន់ មជ្ឈឹមបូពាហ៍ ។ រដ្ឋមន្រ្តី ក្រសួងសុខាភិបាល កូរ៉េ ខាង ត្បូងអោយដឹងថា អ្នកជម្ងឺ ១៩ នាក់ ដែលបានធ្វើរោគកោសល្យវិច័យ និងបានរកឃើញ វីរុស Mers ក្នុង ចំណោម អ្នកជម្ងឺឯទៀត នោះ ត្រូវបានអនុញ្ញាតអោយ ចាកចេញពីមន្ទីរពេទ្យហើយ បន្ទាប់ពី ស្ថានភាពជម្ងឺរបស់ពួកគេបានធូរស្រាល និងជាសះស្បើយ ។
របាយការណ៍ បញ្ជាក់អោយដឹងថា ជនរងគ្រោះ នៃពលរដ្ឋកូរ៉េខាងត្បូង ស្លាប់ចុងក្រោយបំផុតនេះ មានវ័យ ៥៤ ឆ្នាំ ជាស្រ្តីចំណាស់ ដែលមានជម្ងឺ រលាក ទងសួត ក៏ដូចជា សម្ពាធឈាមកើនឡើង ខ្ពស់ ។ គួរបញ្ជាក់ថា រាល់ជនរងគ្រោះស្លាប់បាត់បង់ជីវិត ដោយសារតែវីរុស Mers សុទ្ធសឹង ជា ក្រុម អ្នក ជម្ងឺ មានវ័យចាស់ជរា និង មានជម្ងឺស្រាប់ ៕
ប្រែសម្រួល ៖ កុសល
ប្រភព ៖ CNA