អ្នកចាំទីម្នាក់ នៅរស់នៅឡើយទេ ក្រោយយន្តហោះដឹកក្រុមកីឡាករបាល់ទាត់ ប្រេស៊ីល ធ្លាក់ផ្ទុះឆេះ ស្លាប់មនុស្ស

(កូឡុំប៊ី)៖ យោងតាមសារព័ត៌មាន BBC បានចេញផ្សាយមុននេះបន្តិចដោយបាន​បង្ហាញរូបភាពនៃ​ហេតុការណ៍​ធ្លាក់យន្តហោះ ខណៈក្រុមជួយសង្គ្រោះជាតិ  កំពុងជួយសង្គ្រោះ និងរាយការណ៍ថា មានមនុស្ស៦នាក់​នៅមានជីវិត ក្នុងហេតុការណ៍ធ្លាក់យន្តហោះនេះ ក្នុងនោះ អ្នកចាំទីឲ្យក្រុមកីឡា ករបាល់ទាត់ Goalkeepers Marcos Danilo និង Jakson Follmann បានរស់រានមានជីវិត ក្នុងចំ ណោមសហសេវិកប្រមាណ ៤នាក់ផ្សេងទៀត ដែលមានឱកាសនៅរស់រានមានដូចគ្នា ។ 

យោងតាមសារព័ត៌មានអន្តរជាតិធំៗបានបន្តចេញផ្សាយ Update ឲ្យដឹងនៅមុននេះបន្តិចថា ក្រុមហ៊ុនអាកាសចរណ៍ស៊ីវិល របស់កូឡុំប៊ី បានចេញមកបញ្ជាក់ថា នៅលើយន្តហោះ​ដែលធ្លាក់នោះមានមនុស្ស​ទាំង៨១នាក់ ដោយក្នុងនោះមានអ្នកដំណើរ៧២នាក់ និងសហសេវិកចំនួន៩នាក់។

យន្តហោះខាងលើនេះ បានធ្វើដំណើរពីប្រទេសប្រេស៊ីល សំដៅទៅអាកាសយានដ្ឋាន Medellin នៃប្រទេសកូឡុំប៊ី ដែលនៅលើនោះដឹកក្រុមកីឡាករបាល់ទាត់ឈ្មោះ Chapecoense ទៅចូលរួមលេង​​ក្នុងកម្មវិធីប្រកួត Copa Sudamerica វគ្គបញ្ចប់ជាមួយនឹងក្រុម Atletico Nacional នៅទីក្រុង Medellin នៃប្រទេសកូឡុំប៊ី ដែលគ្រោងប្រារព្ធឡើងនៅថ្ងៃពុធ សប្តាហ៍នេះ​៕