ទន្ទឹមនឹងពណ៌ជាប្រពៃណី (ខ្មៅ) គំរូស្មាតហ្វូនប្រើ Android 4.4 ដែលជិតធ្វើការបង្ហាញខ្លួន របស់ Google បានលេចធ្លាយនៅលើអ៊ីនធឺណេត ជាមួយនឹងម៉ូដែល ពណ៌ស ក្រហម ខៀវលឿង បៃតង...ចម្រុះពណ៌។
ជាក់ស្តែង Google នឹងបង្ហាញណែនាំច្រើនពណ៌ដូច្នេះ ឬក៏អត់នៅថ្ងៃទី ២៨ ខែតុលា ខាងមុខនេះ គឺនៅមិនទាន់ច្បាស់នៅឡើយទេ។ តាមការបង្ហើបឲ្យដឹងពីគេហទំព័របច្ចេកវិទ្យា CtechCN កាលពីពេលថ្មីៗនេះ ក្រៅពីម៉ូដែលពណ៌ខ្មៅ Nexus 5 នឹងមានបន្ថែមនូវពណ៌ស មួយទៀតផងដែរ។ គេហទំព័រនេះ បញ្ជាក់ថា មានតិចបំផុត ពីរពណ៌ផ្សេងគ្នានឹងត្រូវបាន Googleបង្ហាញនៅថ្ងៃខាងមុខនេះ។
បច្ចុប្បន្ន Google នៅមិនទាន់បង្ហើបឲ្យដឹងព័ត៌មានច្រើន ស្តីពីគំរូស្មាតហ្វូន Nexus ជំនាន់ថ្មីទេ សូម្បីតែឈ្មោះហៅជាក់លាក់ និងរូបសណ្ឋាន Hardware។ ប៉ុន្តែកាលពីចុងសប្តាហ៍មុនក្រុមហ៊ុន បានអចេតនាបង្ហោះនូវរូបភាពផ្លូវការ និងតំលៃលក់នៃស្មាតហ្វូននេះ នៅលើ Play Store។
ទន្ទឹមនឹងនោះ បណ្តាព័ត៌មានចចាមអារាមមួយចំនួន បានឲ្យដឹងថា Nexus 5 នឹងត្រូវបានធ្វើការអាប់ឌេតខ្លាំងជាងមុនស្តីពី Hardware បើប្រៀបជាមួយជំនាន់មុន ដូចជាវាមានអេក្រង់ Full HD 5 inch ច្បាស់ និងធំជាងមុន ប្រើ chip quad core Snapdragon 800 និងមានថ្ម 3.000 mAh។ ចំណែកថ្ងៃបង្ហាញខ្លួននៃស្មាតហ្វូននេះ ត្រូវបានឲ្យដឹងថា នឹងប្រារព្ធនៅថ្ងៃទី២៨ ខែតុលា ខាងមុខ រួមជាមួយប្រព័ន្ធប្រតិបត្តិការ Android 4.4 KitKat៕
ព័ត៌មានគួរឲ្យចាប់អារម្មណ៍ផ្សេងទៀត៖
- Nokia អចេតនា ធ្វើឲ្យលេចចេញនូវតំលៃលក់ Phablet Lumia 1520, chip quad core- iPad 5 នឹងស្ថិតក្នុងចំណោម Top Tablet មានកម្រាស់ស្តើងជាងគេ លើពិភពលោក- លេចចេញរូបខ្មោច ពេលថតរូបតាម iPhone ផ្អើលអស់អ្នកថត (មានវីដេអូ)- Nexus 5 លេចចេញនៅលើ Google Play Store តំលៃ ៣៤៩ ដុល្លារ សម្រាប់ Version 16 GB
ប្រែសម្រួល៖ សិលាប្រភព៖ Vexpress