ខ្នាន់កាំភ្លើងពីរនាក់ បានបាញ់រះទៅលើនគរបាលអាមេរិក១០នាក់ ក្នុងបាតុកម្មមួយនៅ Dallas
រដ្ឋ Texas បណ្ដាលឱ្យមានមនុស្សស្លាប់យ៉ាងតិច ៣នាក់។
នគរបាល ១០នាក់ ត្រូវបានជន ២នាក់ បាញ់ប្រហារ បណ្ដាលឱ្យស្លាប់មនុស្ស ៣នាក់ និង ២ នាក់ទៀតត្រូវបញ្ជូនទៅកាន់មន្ទីរពេទ្យ នេះបើតាមទំព័រ Reuters។ ករណីខាងលើនេះ បានកើត ឡើងនៅក្នុងបាតុកម្មដោយអហឹង្សាមួយនៅ Dallas។
David O. Brown មេនគរបាលម្នាក់ នៅក្រុង Dallas បាននិយាយថា ៖ “នគរបាលកំពុងតាមរក ជនដៃដល់”។
នាង Clarissa Myles បានប្រាប់ CNN ថា ៖ “ខ្ញុំឃើញ មានការបាញ់កាំភ្លើងយ៉ាងតិច ៣០គ្រាប់”។
មនុស្សម្នាក់ទៀត និយាយថា ៖ “ខ្ញុំកំពុងតែដើរក្បែរនគរបាលម្នាក់ដែលមកការពារបាតុករ ភ្លាម នោះដ៏ស្រាប់តែ មានលឺសម្លេងកាំភ្លើងប្រមាណជាជាង ៨គ្រាប់”។ បុរសនេះបន្តថា អ្វីៗកើត ឡើងយ៉ាងឆាប់រហ័ស ស្ទើរតែមិនអាចជឿបាន។
វីដេអូដែលត្រូវបានគេបង្ហោះនៅលើអ៊ីនធឺរណែត បង្ហាញថា កងកម្លាំងប្រដាប់អាវុធ កំពុងតែ ឡោមព័ន្ធកន្លែងកើតហេតុ ខណៈដែលមាននគរបាលប្រដាប់ដោយខែល ដើរឆ្ពោះទៅមុខ។
ជនសង្ស័យថាបានបាញ់ប្រហារទៅលើនគរបាល
សូមបញ្ជាក់ថា ករណីខាងលើនេះ បានកើតឡើង ស្របពេលដែលមានបាតុកម្មមួយចំនួន ដែល ត្រូវបានធ្វើឡើងដើម្បីសំដែងការមិនពេញចិត្តចំពោះនគរបាលដែលបានបាញ់សម្លាប់ជនស្បែក ខ្មៅចំនួនពីរនាក់ កាលពីប៉ុន្មានថ្ងៃកន្លងមកនេះ។
ប្រែសម្រួល ៖ បុត្រា