កូរ៉េខាងជើង ពិតជាមិនវេទនា ដូចធ្លាប់បានដឹង តាមរយៈព័ត៌មាន?

បច្ចុប្បន្ន ព័ត៌មានស្ដីអំពីកូរ៉េខាងជើង ត្រូវបានសារព័ត៌មានជាច្រើនចាប់អារម្មណ៍ និងចុះផ្សាយ ក្នុង នោះ មានដំណឹងខ្លះ ឱ្យដឹងថា ប្រជាជនកូរ៉េខាងជើង ក្រលំបាកខ្លាំងជាងអ្វីដែលគេបានដឹង ប៉ុន្ដែក៏មានរូបភាពបង្ហាញថា កូរ៉េខាងជើង មានការអភិវឌ្ឍច្រើន។ ដូច្នេះ តើប្រជាជនកូរ៉េខាងជើង ពិតជាក្រលំបាក ដូចសារព័ត៌មានទាំងឡាយ ដែលតែងតែចុះផ្សាយមុននេះ?នៅក្នុងកំណត់ហេតុដែលនិយាយអំពីដំណើរទេសចរណ៍ទៅកាន់កូរ៉េខាងជើង កាលពីឆ្នាំ ២០០៣ ភ្ញៀវទេសចរណ៍ ជនជាតិបារាំងម្នាក់ គឺលោក Dominique Garret ដែលរស់នៅ និងធ្វើការនៅក្នុងក្រុងសៀងហៃ(ប្រទេសចិន) បានឱ្យដឹង អំពីចំណាប់អារម្មណ៍ដំបូងរបស់ខ្លួន នោះគឺបណ្ដាមហាវិថីដ៏ធំល្វឹងល្វើយ របស់រដ្ឋធានី ព្យុងយ៉ាង។ នេះក៏ជាចំណាប់អារម្មណ៍រួមរបស់ជនបរទេសដែលធ្លាប់បានមកដល់កូរ៉េខាងជើង ៖ “គួរឱ្យភ្ញាក់ផ្អើលខ្លាំងណាស់ ចំពោះមហាវិថីធំទូលាយ ស្អាតបាត និងអាគារខ្ពស់ស្កឹមស្កៃ។ល។” ។ចំណាប់អារម្មណ៍នេះ ហាក់ដូចផ្ទុយស្រឡះទៅនឹងចំណាប់អារម្មណ៍របស់មនុស្សដែលបានដឹងអំពី គ្រោះអត់ឃ្លាន ជនភៀសខ្លួន និងករណីប្រហារជីវិតដ៏ឃោរឃៅរបស់កូរ៉េខាងជើង តាមរយៈសារព័ត៌មាន។ សំណួរថា តើប្រជាជនកូរ៉េខាងជើង ពិតជាមិនវេទនា និងគ្មានការយល់ដឹង អំពីពិភពលោកខាងក្រៅ?សូមស្វែងយល់អំពីព័ត៌មានលំអិត មួយចំនួនខាងក្រោម ៖

នៅក្នុងក្រុងព្យុងយ៉ាង មានមហាវិថីជាច្រើន ដែលមានសភាពស្អាតបាត ធំទូលាយ និងមិនធ្លាប់មានការកកស្ទះចរាចរណ៍

មិនថាតែនៅតាមបណ្ដោយដងផ្លូវក្នុងក្រុង ឬទីប្រជុំជន គេតែងឃើញមានអាគារខ្ពស់ៗ រួមនឹងរុក្ខជាតិខៀវខ្ចី នៅអមសងខាងផងដែរ។ នេះគឺជាអ្វីដែលភ្ញៀវទេសចរណ៍បរទេស បានឃើញ នៅពេលមកដល់ក្រុងព្យុងយ៉ាង នៅថ្ងៃដំបូង។

ប៉ុន្ដែ នៅមិនឆ្ងាយពីក្រុងព្យុងយ៉ាងប៉ុន្មាន គេនឹងបានឃើញបណ្ដាផ្លូវតូចៗ ដែលក្រាលក្រួសក្រហម ឬដងផ្លូវក្រហេងក្រហូង ដក់ទឹក មានល្បប់ ពិបាកក្នុងការធ្វើដំណើរ។ សងខាងផ្លូវ គឺជាវាលស្រែ ឬដីទំនេរចោល។

ឬមួយផ្លូវឆ្លងកាត់ស្ទឹង ដែលធ្វើឡើងដោយប្រជាជន។

នៅពេលបានឃើញទិដ្ឋភាពដូចក្នុងរូបខាងលើទីមួយ អ្នកប្រាកដជាមានការភ្ញាក់ផ្អើលខ្លាំង ចំពោះការរីកចម្រើនរបស់កូរ៉េខាងជើង។

ប៉ុន្ដែ ពេលធ្វើដំណើរចេញពីក្រុងព្យុងយ៉ាង អ្នកនឹងបានឃើញប្រជាជន ធ្វើដំណើរដោយកង់ នៅតាមដងផ្លូវដែលសម្បូរដោយធូលី ហាក់ដូចមិនមានម៉ូតូ សម្រាប់ការធ្វើដំណើរផ្លូវឆ្ងាយ។

រូបលើ ៖ សងខាងផ្លូវដ៏ធំ ក្នុងក្រុងព្យុងយ៉ាង គឺជាអាគារខ្ពស់។

រូបក្រោម ៖ ផ្លូវតូចៗ ក្នុងតំបន់កេស៊ុង (Kaesong) ហាក់មិនមានមនុស្សធ្វើដំណើរ។

រូបលើ ៖ ប្រជាជនក្នុងក្រុងព្យុងយ៉ាង ជិះកង់ទៅធ្វើការ។

រូបក្រោម ៖ នារីវ័យក្មេងម្នាក់ កំពុងដឹកកង់ ធ្វើដំណើរតាមដងផ្លូវមួយ នៅជនបទ។

រូបលើ ៖ ក្រោយពីភ្លៀងមួយមេ ដងផ្លូវក្នុងក្រុងព្យុងយ៉ាង កាន់តែស្អាតបាត។

រូបក្រោម ៖ ដងផ្លូវនៅក្នុងតំបន់ Songchon ពេញដោយភក់ ទឹក ពិបាកធ្វើដំណើរ ហើយភ្ញៀវទេសចរណ៍ មកកាន់កូរ៉េខាងជើង មិនងាយនឹងបានឃើញទិដ្ឋភាពនេះ ដោយសារវាមិនស្ថិតក្នុងតំបន់ទេសចរណ៍។