ជាក់ស្តែង ៖ បង្ហាញបំណែកយន្តហោះអេហ្ស៊ីប ដែលត្រូវបានរកឃើញជាលើកដំបូងហើយ

(អង់គ្លេស)៖ សារព័ត៌មាន BBC របស់អង់គ្លេសបានបង្ហាញរូបភាពមួយចំនួន នៃបំណែកនិងកម្ទេចកម្ទី ដែលសេសសល់ពីការធ្លាក់យន្តហោះអេហ្ស៊ីបនោះ ជាលើកដំបូង នៅព្រឹកថ្ងៃអាទិត្យ ទី២២ ខែឧសភា ឆ្នាំ២០១៦ នេះ។

រូបភាពប៉ុន្មានសន្លឹកនេះ បានមកពីក្រុមយោធាដែលបានចូលរួម ក្នុងប្រតិបត្តិការជួយសង្គ្រោះនិង រកជើងហោះហើរ EgyptAir flight MS804 ដែលទំនងជាបានផ្ទុះឆេះលើអាកាស ហើយក៏ធ្លាក់ បែកខ្ញែកស្រោចមកលើផ្ទៃសមុទ្រមេឌីទែរ៉ាណេ ក្បែរកោះមួយនៃប្រទេសក្រិកតែម្តង។ រូបភាព ទាំងនោះគឺយោធាម្នាក់បានបង្ហោះនៅក្នុង បណ្តាញសង្គមរបស់គេអំឡុងប្រតិបត្តិការរុករក។

យ៉ាងណាក៏ដោយ វត្ថុសំខាន់មួយដែលគេកំពុងរុករកនោះ គឺប្រអប់ខ្មៅ ដែលវានឹងប្រាប់អំពី មូលហេតុច្បាស់លាស់ ថាមានរឿងអ្វីខ្លះដែលបានកើតឡើងមុននឹងយន្តហោះធ្លាក់៕

ប្រភព ៖ ប៊ីប៊ីស៊ី

ផ្តល់សិទ្ធដោយ ៖ ហ្វ្រេសញូវអាស៊ី