ព័ត៌មានអន្តរជាតិ ៖ អេស្ប៉ាញ គូសបញ្ជាក់ឲ្យដឹងថា ស្រ្តីមានផ្ទៃពោះមួយរូប ត្រូវ បានធ្វើកោសល្យ វិច័យរកអោយឃើញថាបានឆ្លងវីរុស Zika ខណៈករណីឆ្លងវីរុស Zika លើកនេះគឺជាករណីឆ្លងលើក ដំបូងបំផុតនៅក្នុងតំបន់អឹរ៉ុប ។
ក្រសួងសុខាភិបាល អេស្ប៉ាញ ឲ្យដឹងថា ស្រ្តីពរពោះរូបនេះ ទើបតែ ត្រលប់ ពីប្រទេស កូឡុំប៊ី ជា ប្រទេសដែលគេដាក់បន្ទុកថា លោកស្រីបានឆ្លងវីរុស Zika ពីទីនោះ ។ សេចក្តីរាយការណ៍ បញ្ជាក់ ឲ្យដឹងថា វីរុស Zika កំពុងតែរាលដាលពាសពេញទឹកដី សហរដ្ឋអាមេរិក ខណៈវីរុសប្រភេទនេះ បើ ឆ្លងទៅកាន់ស្រ្តីពរពោះហើយនោះ ច្បាស់ណាស់ នឹងធ្វើអោយទារកនៅ ក្នុង ផ្ទៃ មានការលូតលាស់ សុខភាពខួរក្បាលប្រក្រតី ឈានទៅកើតមកមានក្បាលតូចផ្ទាល់តែម្តង។
អង្គការសុខភាពពិភពលោក The World Health Organization (WHO) បាន ធ្វើសេចក្តីប្រកាស អា សន្ននៅទូទាំងពិភពលោកស្តីពីបញ្ហាប្រឈមវីរុស ប្រភេទនេះ។ ច្រើនជាង នេះ ទៅទៀត អំឡុងថ្ងៃ ព្រហស្បត្តិ៍ម្សិលមិញនេះ WHO បានណែនាំទៅបណ្តាប្រទេស ជា ច្រើននៅ លើពិភពលោក ចូរកុំ ទទួលយកការបរិច្ចាកឈាមពីក្រុមមនុស្សទាំងឡាយណា ដែល ធ្លាប់ ធ្វើដំណើរទៅកាន់ តំបន់ឆ្លង វីរុស Zika ៕
ប្រែសម្រួល ៖ កុសល
ប្រភព ៖ ប៊ីប៊ីស៊ី