មេដឹកនាំនយោបាយដែលកាន់អំណាចយូរបំផុតនៅអតីតតំបន់យូហ្គោស្លាវី គឺលោកមីឡូ ជូកានណូវីក នាយករដ្ឋមន្ត្រីរបស់ប្រទេសម៉ុងតេណេហ្គ្រោ បានសុំលាលែងចេញពីតំណែង ហើយកាលពីថ្ងៃទី២១ ធ្នូ កន្លងមក ដោយលោកថ្លែងថា វាដល់ពេលសំរាប់ប្រទេសម៉ុងតេណេហ្គ្រោមានមេរាដឹកនាំថ្មី និងថា ពេលនេះរូបលោកមានបំណងរកស៊ីម្តង ។#លោកជូកានណូវីក ប្រកាសពីការចុះចេញពីតំណែងប្រមុខរដ្ឋាភិបាល ក្រោយពីប្រទេសម៉ុងតេណេហ្គ្រោទទួលបានឋានៈជាបេក្ខជនសំរាប់ចូលក្នុងសហគមន៍អឺរ៉ុប។#លោកមីឡូ ជូកានណូវីក បានឡើងកាន់តំណែងជានាយករដ្ឋមន្ត្រីនៃប្រទេសម៉ុងតេណេហ្គ្រោ នៅដើមទសវត្សឆ្នាំ១៩៩០ រួចក្លាយជាសម្ព័ន្ធមិត្តជិតស្និទ្ធរបស់អតីតប្រធានាធិបតីយូហ្គោស្លាវីលោកស្លូបូដាន មីឡូស្លូវីក ។ ទោះបីជាែបប ណា នេះជាលើកទី២ហើយដែលលោកជូកានណូវីក ចុះចេញពីតំណែង ក្រោយពីលាលែងចេញពីតំណែងម្តងរួចមក (ចាប់ពីខែវិច្ឆិកា ឆ្នាំ២០០៦ រហូតដល់ខែកុម្ភៈ ឆ្នាំ២០០៨) ៕