មនុស្ស១២នាក់បានត្រូវចាប់ខ្លួនកាលពីថ្ងៃទី២០ ធ្នូ នៅតាមចំណុចផ្សេងៗនៃប្រទេសអង់គ្លេសក្នុងឱកាសនៃប្រតិបត្តិការប្រឆាំងពួកភេរវករដែលអ្នកទទ ួលខុសត្រូវជាន់ខ្ពស់ម្នាក់របស់ប៉ូលិសអង់គ្លេសចាត់ទុកថា ចាំបាច់ដើម្បីការពារសាធារណជនចំពោះការវាយប្រហារភេរវកម្មជាយថាហេតុមួយ។# លោក JOHN YATES អ្នកទទួលខុសត្រូវសំខាន់ខាងប្រឆាំងភេរវកម្មអង់គ្លេសបញ្ជាក់ថា គេសង្ស័យមនុស្សទាំងនេះថា ជាអ្នកនៅពីក្រោយ រៀបចំ ឬលើកទឹកចិត្តអំពើភេរវកម្មនៅអង់គ្លេស ។ លោកពុំបានផ្តល់ភាពលំអិតលើការចោទប្រកាន់ប្រឆាំងពួកអ្នកទាំងនេះឡើយ ។# យោងតាមព័ត៌មានមួយដែល BBC ផ្តល់ឱ្យដោយពុំបញ្ជាក់ប្រភពថា ការចាប់ខ្លួនមនុស្សទាំងនេះអាចទាក់ទិននឹងការស៊ើបអង្កេតមួយរបស់ភ្នាក់ងារស៊ើបការណ៍ M15 របស់អង់គ្លេស លើគំរោងការវាយប្រហារភេរវកម្មទាំងឡាយនៅអង់គ្លេស និងការរួមគំនិតមួយ ។#កំរិតប្រកាសអាសន្នចំពោះការវាយប្រហារភេរវកម្មបច្ចុប្បន្នមានខ្ពស់នៅអង់គ្លេសជាសញ្ញាប្រាប ់ថា ការវាយប្រហារមួយអាចកើតមានជាយថាហេតុ។#យោងតាម BBC ថា ពួកជនសង្ស័យមានអាយុពី ១៧ ទៅ២៨ឆ្នាំ ភាគច្រើនជាជនជាតិអង់គ្លេស ក៏ប៉ុន្តែក៏មានជនជាតិបង់ក្លាដែសមួយចំនួនតូចដែរ ។ មនុស្សទាំង១២នាក់នេះនឹងត្រូវសួរចំលើយប៉ុន្មានថ្ងៃខាងមុខនេះ ៕