ព្រឹទ្ធសភាសហរដ្ឋអាមេរិក កាលពីល្ងាចថ្ងៃទី២២ ធ្នូ កន្លងមក បានរៀបចំការបោះឆ្នោតផ្តល់សច្ចាប័នលើសន្ធិសញ្ញាស្តីអំពីការគ្រប់គ្រងអាវុធនុយក្លេអ ៊ែរ ជាមួយប្រទេសរុស្ស៊ីដែលសំរេចតាមការទទូចរបស់លោកប្រធានាធិបតី បារ៉ាក់ អូបាម៉ា ។#ក្នុងការបោះឆ្នោតនោះព្រឹទ្ធសភាអាេមរិក បានសំរេចផ្តល់សច្ចាប័នលើសន្ធិសញ្ញានោះដោយសំលេងឆ្នោតគាំទ្រ៧១សំលេង ទល់នឹង២៦សំលេងប្រឆាំងក្នុងចំណោមសមាជិកព្រឹទ្ធសភា១០០រូប ។#លោក Richard Burt ជាអ្នកចរចាសំខាន់ចំពោះសន្ធិសញ្ញានេះជាសន្ធិសញ្ញាកាត់បន្ថយសព្វាវុធថ្មីមួយ ថ្លែងក្នុងសេចក្តីថ្លែងការណ៍មួយថា ទង្វើរបស់ព្រឹទ្ធសភាអាមេរិកលើកនេះ មានសារសំខាន់បំផុតសំរាប់សន្តិសុខជាតិ ហើយសន្ធិសញ្ញានោះនឹងបន្តដំណើរការកាត់បន្ថយ និងគ្រប់គ្រងឃ្លាំងស្តុកអាវុធសម័យសង្គ្រាមត្រជាក់រវាងរុស្ស៊ី និងសហរដ្ឋអាមេរិក ហើយត្រួសត្រាយផ្លូវសំរាប់ជំហានបន្ទាប់ដ៏សំខាន់មួយ ។#រដ្ឋការរបស់លោកអូបាម៉ា បានជំរុញឱ្យមានកិច្ចព្រមព្រៀងនោះជាជំហានដំបូងក្នុងការបន្តដំណើរការកាត់បន្ថយអាវុធ នុយក្លេអ៊ែរ ដែល៩០ភាគរយនៃអាវុធនុយក្លេអ៊ែរនោះគ្រប់គ្រងដោយសហរដ្ឋអាមេរិក និងរុស្ស៊ី ។ ជាមួយគ្នានេះ ប្រធានាធិបតី រុស្ស៊ីលោកឌីមីទ្រី ម៉េដវេដេវ បានឯកភាពជាគោលការណ៍ដើម្បីធ្វើការឆ្ពោះទៅរកការកាត់បន្ថយអាវុធនុយក្លេអ៊ែរបន្ថែមទៀត ។#លោកប្រធានាធិបតីបារ៉ាក់ អូបាម៉ា មើលឃើញសន្ធិសញ្ញានេះថា ជាចំណុចកណ្តាលនៃកិច្ចខិតខំប្រឹងប្រែងរបស់លោកក្នុងការកំណត់ឡើងវិញ នូវទំនាក់ទំនងរបស់អាេមរិកជាមួយរុស្ស៊ី ៕