យោងតាមរបាយការណ៍មួយរបស់ អ.ស.ប ចេញផ្សាយកាលពីថ្ងៃទី២១ ធ្នូ ថា ចំនួនជនរងគ្រោះស៊ីវិលនៅអាហ្វហ្គានីស្ថានសំរាប់រយៈពេល១០ខែដំបូង នៃឆ្នាំនេះមានការកើនឡើង២០% បើប្រៀបធៀបទៅនឹងឆ្នាំ២០០៩ ។#ក្នុងករណីជាង៣ភាគ៤ ជនស៊ីលវិលត្រូវស្លាប់ ឬត្រូវរបួសគឺដោយសារពួកបះបោរ ។ យោងតាមកំណត់ត្រារបស់ អ.ស.ប គិតត្រឹមដំណាច់ខែតុលាថា មានជនរងគ្រោះស៊ីវិលនៅអាហ្វហ្គានីស្ថានចំនួន៦.២១៥នាក់ ក្នុងនោះ២.៤១២នាក់ស្លាប់ ។#ពួកតាលីបង់ និងពួកបះបោរដទៃៗទៀត ដែលជាសមាសភាពប្រឆាំងរដ្ឋាភិបាល បើតាមរបាយការណ៍នេះជាអ្នកទទួលខុសត្រូវ៧៦% ចំពោះការសំលាប់ និងធ្វើឱ្យរបួសជនស៊ីវិលទាំងនេះ ។ អត្រានេះមានការកើនឡើង១ភាគ៤បើប្រៀបធៀបទៅនឹងឆ្នាំ២០០៩ ។ របាយការណ៍នេះបញ្ជាក់ថា ការផ្ទុះគ្រាប់បែក ឬការវាយប្រហារអត្តឃាតទាំងឡាយ បណ្តាលឱ្យមានជនរងគ្រោះស៊ីវិលច្រើន ។ ការវាយប្រហាររបស់កងកំលាំងអន្តរជាតិ ស្ថិតក្នុងអង្គការអូតង់ និងរបស់កងទ័ព និងប៉ូលិសអាហ្វហ្គានីស្ថាន តំណាងឱ្យ១៨% នៃចំនួនជនរងគ្រោះស៊ីវិលសរុប ៕