ទីភ្នាក់ងារព័ត៌មានអង់គ្លេសផ្សាយឱ្យដឹងថា មហាវិហារបុរាណ«វ៉េសមីនស្ទូរ» មានការបារម្ភទាក់ទងបញ្ហាហិរញ្ញវត្ថុពីពិធីរៀបអភិសេកព្រះអង្គម្ចាស់វីល្លៀម និងនាងខេតមីតដល តុន អាចធ្វើឱ្យបាត់បង់ប្រាក់ចំណូលរួមទាំងមិនអាចទទួលប្រាក់ឧបត្ថម្ភពីព្រះរាជវាំង ។ មានការប៉ាន់ប្រមាណថា ពិធីរៀបអភិសេករបស់ព្រះអង្គម្ចាស់វីល្លៀម និងនាងខេត មីត#ដលតុន នៅថ្ងៃទី២៩ មេសា ២០១១ ខាងមុខ នឹងធ្វើឱ្យមហាវិហារបុរាណអាយុកាលជាង១០០០ឆ្នាំនេះ ចំណាយប្រាក់ដល់២លានផោន ឯណោះ ។ តាមប្រភពព័ត៌មានបញ្ជាក់ថា ព្រះរាជវង្សនឹងចំណាយប្រាក់ឧបត្ថម្ភដល់មហាវិហារបុរាណតែបន្តិចបន្តួចប៉ុណ្ណោះមិនស្មើនឹងប្រ ាក់ចំណាយសរុបសំរាប់ពិធីរៀបអភិសេកទេ ។
មហាវិហារបុរាណនោះ និងទីតាំងនៅជុំវិញវិហារ ត្រូវបិទមិនឱ្យមហាជនចូលទស្សនារយៈ១សបា្តហ៍ដើម្បីត្រៀមរៀបចំពិធីអភិសេកជាហេតុធ្វើឱ្យបាត់បង ់ប្រាក់ចំណូល និងថែមទាំងមិនបានទទួលប្រាក់ឧបត្ថម្ភពីគណៈកម្មការគ្រឹស្តសាសនារដ្ឋាភិបាល និងព្រះរាជិនី ផងដែរ ។ មហារវិហារបុរាណវ៉េសមីនស្ទ័រ បានដំណើរការនាពេលកន្លងមកដោយទឹកប្រាក់សទ្ធាជ្រះថ្លាពីគ្រឹស្តសាសនិកជន ប្រាក់បរិច្ចាគនិងការវិនិយោគតូចៗមួយចំនួនទៀត ។ ជាក់ស្តែងកាលពីឆ្នាំកន្លងមក មានប្រាក់ចំណូល១៥,៤លានផោន ប៉ុន្តែថ្លៃចំណាយ១៤លានផោន ។
មនុស្សជាច្រើនបញ្ជាក់ថា មហាវិហារបុរាណនោះអាចបាត់បង់ប្រាក់ប្រហែល៥០០.០០០ផោន អំឡុងសបា្តហ៍ដែលបានបិទ និងត្រូវលុបចោលពិធីផ្សេងៗជាច្រើនទៀតដែលត្រូវទទួលចំណូលជាច្រើនម៉ឺនផោន ។ ភ្នាក់ងារម្នាក់ដែលបំពេញការងារនៅក្នុងវិហារថ្លែងថា «ពិធីរៀបអភិសេករបស់ព្រះអង្គម្ចាស់ វីល្លៀម គឺជាលទ្ធផលដ៏ល្អចំពោះយើងជាច្រើនផ្នែកទាំងក្នុងទស្សនៈសម្ព័ន្ធភាព និងការធ្វើទស្សនកិច្ចទៅថ្ងៃអនាគត ប៉ុន្តែមនុស្សជាច្រើនទៀតដែលធ្វើការនៅទីនេះ បារម្ភពីផលប៉ះពាល់ផ្នែកហិរញ្ញវត្ថុដល់វិហារ»។#អ្នកនាំពាក្យរបស់មហាវិហារបុរាណបញ្ជាក ់ថា វិហារនឹងត្រូវបិទរយៈពេលជាច្រើន ថ្ងៃប៉ុន្តែបដិសេធថា មិនជួបប្រទះនឹងបញ្ហាហិរញ្ញវត្ថុឡើយ ។ ចំណែកអ្នកនាំពាក្យព្រះរាជវាំង «សេន ជេម» បញ្ជាក់ថា ព្រះរាជវាំងមានទំនាក់ទំនងល្អជាមួយមហាវិហារ «វ៉េសមីនស្ទ័រ» ៕