ព័ត៌មានអន្តរជាតិ ៖ នាយកដ្ឋានគ្រប់គ្រង គ្រោះមហន្តរាយជាតិ ឥណ្ឌូនេស៊ី The Indonesian National Board for Disaster Management (BNPB) ធ្វើសេចក្តីប្រកាស ផ្លូវការ អំឡុង ថ្ងៃអាទិត្យ ទី ២៤ ម្សិល មិញនេះអោយដឹងថា ពាក់កណ្តាល នៃជនអន្តោប្រវេសន៍សរុប ១,៧០០ នាក់ជួយសង្គ្រោះពីការរសាត់ លើផ្ទៃសមុទ្រនោះ គឹជា ជនរងគ្រោះ នៃការជួយដូរមនុស្សខុសច្បាប់ ។
សេចក្តីរាយការណ៍ បញ្ជាក់អោយដឹងថា សេចក្តីប្រកាសមួយនេះ ត្រូវ បាន ធ្វើឡើង អំឡុងកិច្ចប្រជុំនៃ ភ្នាក់ងារជួយសង្គ្រោះ ស្របពេលដែល មានការស្រាយបំភ្លឺអោយដឹងថា ជនអន្តោប្រវេសន៍ ៧២០ នាក់ ត្រូវបានគេកំណត់អត្តសញ្ញាណបានថា មានប្រភពដើម មកពី ប្រទេស បង់ ក្លាដេស មានគោលគំនិត ចម្បងស្វែងរកការងារធ្វើ ខណៈ ក្រុមមនុស្ស មួយចំនួន រាប់រយនាក់ផ្សេងទៀត ត្រូវបានកំណត់អោយ ដឹងថា ជាក្រុមជនអន្តោប្រវេសន៍ Rohingyas ដែលបាន រត់ភៀសខ្លួន ពីប្រទេស មីយ៉ាន់ម៉ា ដោយសារ តែមានជម្លោះ ទោម្នេញផ្ទៃក្នុង ។
របាយការណ៍ បញ្ជាក់អោយដឹង ក្រុមជនអន្តោប្រវេសន៍ជិត ២០០០ នាក់ នៃ ជនជាតិ បង់ក្លាដេស និង Rohingya ត្រូវបានក្រុមការងារ ជួយសង្គ្រោះ ក្នុងរយៈពេល ២ សប្តាហ៍ ចុងក្រោយនេះ ខណៈបច្ចុប្បន្ន ភាពពួកគេ កំពុងតែ សម្រាកនៅក្នុងខេត្ត Aceh នៃកោះ Sumatra ។ យោងតាមសេចក្តីថ្លែងការណ៍ ពី BNPB កាលពីថ្ងៃអាទិត្យ កន្លងទៅនេះ អោយដឹងថា ជន អន្តោ ប្រវេសន៍ ពី បង់ក្លាដេស នឹងមានការ ចាប់បញ្ចូនទៅកាន់ដីកំណើតរបស់ខ្លួនវិញ កំឡុងរយៈពេល ១ ខែ ។ ដោយឡែក ឆ្លើយតបទៅនឹង ជន អន្តោប្រវេសន៍ ស្វែងរក សិទ្ធជ្រកកោន Rohingya ភ្នាក់ងារក្នុងស្រុក មួយចំនួន កំពុងតែ សហការណ៍ជាមួយនឹង ឧត្តមស្នងការអង្គការសហប្រជាជាតិសម្រាប់ជនភៀសខ្លួន (UNHCR) និង អង្គការជនអន្ត ប្រវេសន៍ អន្តរជាតិ IOM ដើម្បីធានាអោយបាននូវការផ្តល់ ការយកចិត្តទុកដាក់ ក្នុងការការពារនិងតាំង ទីលំនៅថ្មីជាដើម ៕
- អាន ៖ មីយ៉ាន់ម៉ា ជោគជ័យមុនគេ នៅអាស៊ី ក្រោយ UN ថ្កោលទោសចំៗ ពីការសង្គ្រោះ ពួក Rohingya
ប្រែសម្រួល ៖ កុសល
ប្រភព ៖ CNA