មន្ត្រីអាមេរិកនិយាយថា ក្រុមអាល់កៃដា ដែលផលិតគ្រាប់បែក២គ្រាប់ សំរាប់ការប៉ុនប៉ងដាក់បំផ្ទុះលើយន្តហោះមួយគ្រឿង ប៉ុន្តែត្រូវបរាជ័យកាលពីខែតុលា កន្លងមក ពេលនេះមានផែនការដាក់ថ្នាំពុលនៅក្នុងចំណីអាហារតាមភោជនីយដ្ឋាន និងសណ្ឋាគារទាំងឡាយក្នុងសហរដ្ឋអាមេរិក ។ ប៉ុន្តែទោះបីជាបែបណា មន្ត្រីអាមេរិកនានាបានចាត់ទុកការគំរាមនេះថា ជារឿងមិនសំខាន់ឡើយ ។#សហរដ្ឋអាមេរិកទទួលបានព័ត៌មានថា ក្រុមអាល់កៃដា នៅឧបទ្វីបអារ៉ាប់កំពុងមានផែនការ និងពិចារណាមើលពីការដាក់ថ្នាំពុលនៅតាមកន្លែងផ្គត់ផ្គង់ចំណីអាហារនានា ។ ដើម្បីជាការឆ្លើយតបចំពោះព័ត៌មាននោះ មន្ត្រីអាមេរិកបានជួបពិភាក្សាជាបន្តបន្ទាប់ជាមួយតំណាងសណ្ឋាគារនានា តាមរយៈបណ្តាញទំនាក់ទំនង ដើម្បីពិភាក្សាលទ្ធភាពដែលថា ពួកភេរវករអាចយកកន្លែងផ្គត់ផ្គង់ចំណីអាហារនានាធ្វើជាគោលដៅវាយប្រហាររបស់ខ្លួន ។#មន្ត្រីអាមេរិកនិយាយថា ខ្លួនមិនជឿថា ក្រុមអាល់កៃដានោះហ៊ានធ្វើតាមការគំរាមរបស់ពួកគេនោះទេ ៕