លោកតា Hugh Hefner កើតនៅថ្ងៃទី៩ មេសា ឆ្នាំ១៩២៦ ក្នុងទីក្រុងឈីកាហ្គោ រដ្ឋអ៊ីលីណយ សហរដ្ឋអាមេរិក ។ លោកជាកូនកាត់ស៊ុយអែត-អាល្លឺម៉ង់ ដោយឪពុកលោកជាជនជាតិអាល្លឺម៉ង់ និងម្តាយជាជនជាតិស៊ុយអែត ។#លោកតា Hugh Hefner បានបង្កើតទស្សនាវដ្តី Playboy នៅឆ្នាំ១៩៥៣ ដោយមានការជួយឧបត្ថម្ភផ្នែកហិរញ្ញវត្ថុពីម្តាយរបស់លោក។ ទស្សនាវដ្តី Playboy ជាទស្សនាវដ្តីមួយបង្ហាញពីរូបតារាម៉ូដែលស្រាតគួរឱ្យទាក់ទាញ ។#នៅក្នុងឆ្នាំ១៩៦៣ លោកតា Hugh Hefner ត្រូវបានចាប់ខ្លួនម្តងពីបទបង្ខូចកេរ្តិ៍ឈ្មោះក្រោយពីចេញលក់ទស្សនាវដ្តីមានបង្ហាញរូបថត ស្រាតរបស់តារាភាពយន្តម្នាក់ ។#លោកតា Hugh Hefner បានរៀបការលើកដំបូងជាមួយនាង Mildred William ជានិស្សិតនៅឆ្នាំ១៩៤៩ ហើយមានកូន២នាក់ ។ ប៉ុន្តែអ្នកទាំង២បានលែងលះគ្នាវិញនៅឆ្នាំ១៩៥៩ ដោយសារលោកតា Hefner មានទំនាក់ទំនងជាមួយនារីជាច្រើននាក់ ។ នៅឆ្នាំ១៩៨៥ លោកតា Hugh Hefner កើតជំងឺដាច់សរសៃឈាមក្នុងខួរក្បាល ដែលនៅពេលនោះគាត់មានអាយុ៥៩ឆ្នាំ ប៉ុន្តែទោះបីជាបែបណា គាត់បានរួចផុតពីស្លាប់ហើយរស់រហូតដល់សព្វថ្ងៃ ។#លុះដល់ឆ្នាំ១៩៨៩ លោកតាបានរៀបការប្រពន្ធមួយទៀតឈ្មោះ Kimberley Conrad ប៉ុន្តែលែងលះគ្នាទៀត ក្រោយពីបានកូន២នាក់៕
