របស់មួយដែលមានលទ្ធភាពផ្ទុះត្រូវបានរកឃើញកាលពីព្រឹកថ្ងៃទី២១ ធ្នូ នៅលើខ្សែមេត្រូមួយនៃទីក្រុងរ៉ូម ។ នេះជាសេចក្តីរាយការណ៍របស់ម៉ាស៊ីនឃោសនាអ៊ីតាលីនានា ។ គឺមុនវេលាម់ោង១០ព្រឹកម៉ោងក្នុងស្រុកដែលអ្នកបើកមេត្រូបានរកឃើញគ្រាប់បែកនេះក្នុងទូ មួយនៃខ្សែមេត្រូBពេលមេត្រូនោះពុំទាន់មានមនុស្សជិះនៅស្ថានីយ REBIBBIA ។# គ្រាប់បែកនោះដែលពិតណាស់ ជាគ្រាប់បែកច្នៃស្ថិតក្នុងថង់បា្លស្ទីកមួយដាក់ក្រោមកៅអីអង្គុយ ។ នៅខាងក្នុងថង់មានប្រអប់មួយជាមួយទុយ៉ូ២ មានរំសេវ ខ្សែអគ្គិសនី និងប្រដាប់ទូរបញ្ជាមួយសំរាប់ធ្វើឱ្យផ្ទុះ ។ គ្រឿងផ្ទុះនេះត្រូវបានដោះយកចេញភ្លាមៗដោយពួកអ្នកដោះមីន ដែលបញ្ជូនមកដោយរហ័ស នៅស្ថានីយនេះដែលគេបានជំលៀសមនុស្សចេញអស់ ។ ក៏ប៉ុន្តែយោងតាមប៉ូលិសអ៊ីតាលីថា គ្រាប់បែកនោះមានម្សៅផ្ទុះតិចតួចមិនអាចផ្ទុះបានឡើយ ពីព្រោះពុំមានភ្ជាប់ក្បាលផ្ទុះ ។ ទោះបីជាបែបនេះនោះក៏ជារឿងមួយគួរឱ្យព្រួយបារម្ភចំពោះការវាយប្រហារភេរវកម្មជាយថាហេតុ ដែរ ៕