ក្រសួងសុខាភិបាលនៃរដ្ឋាភិបាលរបស់ក្រុមហាម៉ាស់ ប៉ាឡេស្ទីន ដែលកាន់អំណាចនៅជ្រោយហ្គាហ្សាចាប់តាំងពីឆ្នាំ២០០៧មករាយការណ៍ថា ជនសកម្មប្រយុទ្ធនៃក្រុមជីហាដអ៊ិស្លាមប៉ាឡេស្ទីន២នាក់បានត្រូវសម្លាប់កាលពីព្រឹកថ្ងៃទី២៦ ធ្នូ ដោយកងទ័ពអ៊ីស្រាអែលនៅជិតទីក្រុងខាន់ យូណេស ភាគខាងត្បូងជ្រោយហ្គាហ្សា ។# យោងតាមកងទ័ពអ៊ីស្រាអែលថា ជនសកម្មប្រយុទ្ធទាំង២នាក់នោះត្រូវស្លាប់ដោយសារការបាញ់ប្រហាររបស់ឧទ្ធម្ភាគចក្រ ខណៈដែលពួកគេប៉ុនប៉ងដាក់គ្រឿងផ្ទុះនៅជិតព្រំដែនរវាងជ្រោយហ្គាហ្សា និងអ៊ីស្រាអែល ។#ក្រុមជីហាដ អ៊ិស្លាម ថ្លែងថា ជនសកម្មប្រយុទ្ធរបស់គេទាំង២នាក់នោះត្រូវស្លាប់ក្នុងឱកាសនៃការប៉ះទង្គិចគ្នាមួយជាមួយកងល្បា តអ៊ីស្រាអែលមួយកងដែលដើរល្បាត ។# ភាពតានតឹងមានការកើនឡើងរយៈពេល២សបា្តហ៍ចុងក្រោយនេះ រវាងអ៊ីស្រាអែល និងពួកប៉ាឡេស្ទីន ខណៈជិតឈានដល់ខួបលើកទី២ នៃការវាយលុករបស់អ៊ីស្រាអែលចូលជ្រោយហ្គាហ្សា ។ កាលពីសបា្តហ៍មុនជនសកម្មប្រយុទ្ធអ៊ិស្លាមបាញ់គ្រាប់រ៉ុកែ្កតចំនួន៣០គ្រាប់សំដៅភាគខាងត្បូងអ៊ីស្ រាអែល។ រដ្ឋអីុស្រាអែលបានតបតវិញតាមរយៈការវាយឆ្មក់តាមអាកាសសំដៅទីតាំងនានារបស់ពួកហាម៉ាស់ ៕
