បាតុករជាង៦០០នាក់ត្រូវទទួលការកាត់ទោសកាលពីថ្ងៃទី២១ ធ្នូ ដាក់គុកដល់១៥ថ្ងៃនៅបេឡារុស្ស ក្រោយបាតុកម្មដែលផ្ទុះឡើងបន្ទាប់ពីការបោះឆ្នោតប្រធានាធិបតីដែលលោកអាឡិច សាន់ដ្រ៍ លូកា ឆេនកូ ជាប់ឆ្នោតជាថ្មីទៀតក្នុងការបោះឆ្នោតកាលពីថ្ងៃទី១៩ ធ្នូកន្លងមក# នេះ ។#ក្រសួងមហាផ្ទៃបេឡារុស្សគូសបញ្ជាក់ថា ពួកបាតុករត្រូវចាប់ខ្លួនព្រោះតែធ្វើសកម្មភាពបរិហារការបោះឆ្នោតនេះថា ពោរពេញដោយការក្លែងបន្លំត្រូវទទួលការកាត់ទោសដាក់គុកក្នុងម្នាក់ៗពី៥ទៅ១៥ថ្ងៃ ។ មេខ្លោងពួកគេក្នុងនោះមានបេក្ខជនប្រធានាធិបតី៥រូបអាចមានទោសជាប់គុកដល់ទៅ១៥ឆ្នាំ ពីបទអុជអាលឱ្យមានឧប្បត្តិហេតុនានាកាលពីយប់ថ្ងៃទី១៩ ទៅ២០ ធ្នូ កន្លងមកនេះដោយក្នុងឧប្បត្តិហេតុទាំងនេះមានការប៉ះទង្គិចគ្នារវាងប៉ូលិស និងពួកបាតុករក្នុងអំពើហិង្សាតាមដងវិថីទាំងឡាយនៃទីក្រុងមីនស្ក៍ ។# តាមព័ត៌មានមួយថា បេក្ខជនប្រធានាធិបតី២រូបដែលចាប់ខ្លួនក្នុងពេលធ្វើបាតុកម្មត្រូវបានដោះលែងវិញហើយ ៕