ថ្មីៗនេះ ប្រភពព័ត៌មានដែលពាក់ព័ន្ធនឹងគំរោងអភិវឌ្ឍ Windows Phone របស់ Nokia បានបង្ហាញនៅលើគេហទំព័រ The Verge ថាក្រុមហ៊ុនកំពុងអភិវឌ្ឍលើផលិតផលថ្មីមួយដែលមានឈ្មោះ Zeal។
ស្មាតហ្វូនមួយនេះ មានអេក្រង់ទំហំ 4,3, CPU Dual Core ជាមួយនឹងល្បឿន 1GHz, RAM 512MB,មេម៉ូរីក្នុងទំហំ 8GB និងមានរន្ធដោតមេម៉ូរីក្រៅប្រភេទ microSD។ Zeal ជាស្មាតហ្វូនស៊េរីមធ្យម គឺមិនមែនពីរម៉ដែល Lumia 920/Lumia 810 ស្ថិតក្នុងស៊េរីទំនើប(ខ្ពស់) រឺGloryសំរាប់ទីផ្សារធម្មតា(ប្រភេទទូរស័ព្ទលក់តំលៃថោក) ដែលយើងធ្លាប់បានឃើញកាលពីពេលកន្លងមកនោះទេ។
រូបសិប្បនិម្មិត
Zeal នៅតែរក្សាការរចនាសំបកស្រោបពេញតួទូរស័ព្ទ ដូចបណ្តា Lumia មុននេះ ប៉ុន្តែវាមានការរចនាម៉ូដបែបម៉ាស៊ីនស្តាប់ចម្រៀង Microsoft Zune។ Nokia Zeal នឹងបង្ហាញខ្លួននៅដើមឆ្នាំក្រោយគឺមិនមែននៅក្នុងព្រឹត្តិការណ៍បង្ហាញ Windows Phone 8 របស់ក្រុមហ៊ុនដែលកំពុងប្រារព្ធនៅថ្ងៃនេះឡើយ៕
ដោយ៖ សិលាប្រភព៖ TTE