ក្រសួងការពារប្រទេសកូរ៉េខាងត្បូងនិយាយថា កូរ៉េខាងត្បូងនឹងធ្វើសមយុទ្ធបាញ់គ្រាប់ពិតថ្មី មួយទៀតរយៈពេល៤ថ្ងៃ នៅដែនទឹកនៃឆ្នេរសមុទ្រភាគខាងកើតឧបទ្វីបកូរ៉េ ដោយចាប់ផ្តើមនៅថ្ងៃទី២៣ ធ្នូ ។ សមយុទ្ធនេះធ្វើឡើងរយៈពេល២ថ្ងៃក្រោយ ពីកូរ៉េខាងត្បូងធ្វើសមយុទ្ធបាញ់គ្រាប់ពិតនៅក្បែរតំបន់មានភាពតានតឹងរួចមក ។#តាមសេចក្តីរាយការណ៍ថា សមយុទ្ធបាញ់គ្រាប់ពិតនោះនឹងត្រូវធ្វើឡើងចំងាយប្រហែល១០០គីឡូម៉ែត្រ ភាគខាងត្បូងព្រំដែនសមុទ្រជាមួយកូរ៉េខាងជើង ចូលរួមដោយនាវាកងទ័ពជើងទឹកមួយចំនួន និងឧទ្ធម្ភាគចក្រជាច្រើនគ្រឿង ។#ទាក់ទិននឹងសមយុទ្ធបាញ់គ្រាប់ពិតលើកចុងក្រោយនេះ មន្ត្រីផ្នែកព័ត៌មាននៃកងទ័ពកូរ៉េខាងត្បូងនិយាយថា យោធាជាង៨០០នាក់ នឹងចូលរួមសមយុទ្ធនោះដែលនឹងចាប់ផ្តើមនៅវេលាម៉ោង២រសៀលថ្ងៃទី២៣ ធ្នូ ។#តាមប្រភពព័ត៌មានពីក្រុងសេអ៊ូលថា សមយុទ្ធបាញ់គ្រាប់ពិតលើកចុងក្រោយនេះជាសមយុទ្ធដែលមានទ្រង់ទ្រាយធំបំផុតរបស់កូរ៉េខាងត្ បូង ។#កូរ៉េខាងត្បូងបានធ្វើសមយុទ្ធជាបន្តបន្ទាប់ ក្រោយពីកូរ៉េខាងជើងបាញ់កាំភ្លើងធំសំដៅកោះមួយរបស់ខ្លួន ហើយកូរ៉េខាងជើងអះអាងថា ខ្លួននឹងសងសឹកចំពោះសមយុទ្ធរបស់កូរ៉េខាងត្បូង ប៉ុន្តែនៅទីបញ្ចប់កូរ៉េខាងជើងបានដកការអះអាងរបស់ខ្លួនវិញ ៕