មន្ត្រីមួយរូបនិយាយថា ឥណ្ឌានៅថ្ងៃទី២២ ធ្នូ បានបាញ់សាកល្បងប្រកបដោយជោគជ័យនូវមីស៊ីលប៉ាលីស្ទីកពីដីទៅដីប្រភេទ Prithvi-II ចំនួន២គ្រាប់ នៅតំបន់ក្បែរឆ្នេរសមុទ្រនៃរដ្ឋអូរីសា ។ មន្ត្រីដដែលឱ្យដឹងទៀតថា មីស៊ីលទាំង២គ្រាប់នោះត្រូវបានបាញ់សាកដោយជោគជ័យពីជើងទម្រដែលដាក់ក្នុងសង្កាត់ Balasore នៅវេលាម៉ោង៨និង១៥នាទី និងម៉ោង៩និង១៥នាទីព្រឹកថ្ងៃទី២២ ធ្នូ ។ មីស៊ីល Prithvi ជាប្រភេទមីស៊ីលប៉ាលីស្ទីក ដំបូងគេ ផលិតឡើងក្រោមកម្មវិធីអភិវឌ្ឍន៍មីស៊ីលតំរង់ទិសដៅ មានសមត្ថភាពផ្ទុកក្បាលគ្រាប់ទំងន់ពី៥០០ទៅ១.០០០គីឡូក្រាម ៕