ក្នុងសេចក្តីប្រកាសមួយគណបក្សស្វ័យការពាររបស់ប្រជាជនរាយការណ៍ថា ភ្នាក់ងារសន្តិសុខអ៊ុយក្រែនបានចាប់ខ្លួនអតីតរដ្ឋមន្ត្រីមហាផ្ទៃ លោកអ៊ីអ៊ូរី លូតសេន កូ កាលពីថ្ងៃទី២៦ ធ្នូនៅមុខគេហដ្ឋានរបស់លោកក្នុងទីក្រុងគៀវ ។ គណបក្សនេះរបស់អតីតរដ្ឋមន្ត្រីមហាផ្ទៃរូបនេះបញ្ជាក់ថា ត្រូវចាប់ខ្លួនក្រោមក្រសែភ្នែកកូនប្រុសលោកដោយភ្នាក់ងារប៉ូលិសប្រមាណជា១០នាក់លោកអីុអ៊ូវីលូ ត សេនកូ ត្រូវគេចាប់បោះបញ្ជូនក្នុងរថយន្តប៉ូលិស ។ អតីតរដ្ឋមន្ត្រីរូបនេះ ទទួលការចោទប្រកាន់កាលពីខែធ្នូ កន្លងមកនេះ ពីបទរំលោភបំពានអំណាចដោយអយ្យការដែលសង្ស័យថាលោកពង្វាងយកប្រាក់នៃមូលនិធិសាធារណៈ ។ លោកអះអាងថា លោកពុំបានជាប់ទាក់ទិននឹងរឿងប្រាក់ទាំងនោះទេ ហើយអះអាងថា ការចោទប្រកាន់ចំពោះរូបលោកមកពីហេតុផលនយោបាយ ។# ចាប់តាំងពីការឡើងកាន់អំណាចរបស់ប្រធានាធិបតីលោកវិកទ័រ អ៊ីយ៉ានូកូវីត ជាអ្នកឈ្នះក្នុងការបោះឆ្នោតប្រធានាធិបតីជុំទី២ កាលពីខែកុម្ភៈមក សមាជិកជាច្រើនរូបនៃអតីតរដ្ឋាភិបាលអ៊ុយក្រែនត្រូវទទួលការជាប់ចោទឡើងតុលាការ ។ កាលពីប៉ុន្មានថ្ងៃមុននេះអតីតនាយករដ្ឋមន្ត្រី លោកស្រីអីុអ៊ូលីយ៉ាទី ម៉ូឆេនកូ ទទួលការចោទប្រកាន់ពីបទរំលោភបំពានអំណាច# ដែរ ។ ក្នុងចំណោមអតីតរដ្ឋមន្ត្រីដែលទទួលការចោទប្រកាន់រួមមានអតីតរដ្ឋមន្ត្រីសេដ្ឋកិច្ចលោកបូហ ៍ដាន ដានីលីស៊ីន និងអតីតរដ្ឋមន្ត្រី បរិស្ថានលោក GEORGI FILIPTCHOUK៕